NI THUM PAWL
Hminsin: Cangantui dinhmun theifiang dingin, Casiartu Hnenah timi hi siar hmaisa aw.
Sabbath Ni
[13.1]
Sabbath timi thusuhnak hi thaten simfiang thei ding ahcun kan Bible ah hin thukam cungnung sawn pahnih an um ih cule a dang thukam meimei khal an um ve a si ti in kan thawh ngeingei a tul. Cui thukam cungnung hmaisa deuh (dan thukamnak) kha cu Pathian in a mi thlan pawl thawi a rak tuah mi a siih, cucu miphun hnam zomawknak, Abraham hnen ihsin a tuah mi a siih Moses hnen tiangin a sawmsoh vivo mi dan a si. Cucu kannih cun rampi vekin Israel ti in kan thei ih cui a dan pawl a rak zawhtu pawl cu Judah pawl ti in kan ti. Cui Israel hnam kan timi ahcun miphun phun hleihnih an um ih cu pawl tla cu an pu Jacob ihsin rungsuak mi an siih Abraham ih tu fa a si.
Pathian hin minung hnenah thukham pakhat a rak pek dah mi cu " Pungzai in karhzai uhla leitlun ih a cangvai thei mi leh nunnak a nei mi pawl an zaten uk thluh uh" ti hi a si. (Sem. 1:28-31).
Semtirnak 1:28-31
28. Cun Pathian in an hnenah thlawsuahnak a pe ih, "Fa tampi nei in pungzai uhla nan tefa cithlah pawlin leilung hi an luahkhat pei ih an thuthu in an umter pei. Ti sungih nga siseh, lei parih a vakmi ramsa tinkim a tum a sen leh van ih vate hmuahhmuah tlunah thuneihnak ka lo pek," ti ah a ti.
29. Cuitlunah Pathian in, "Thlaici a phunphun leh thingthei rah a phunphun nan ei dingah ka lo pek a si;
30. Vate phun zakip le ramsa tum le fate phun zakip ih an rawl hrangah hram hring leh thingrah ka pe a si," ti ah a ti. A ti bangtukin an si.
31. Cun Pathian in a tuahcia mi hmuahhmuah a zoh tikah a tha ngaingai ti ah a ti. Zanlam a liamih zinglam a suak, ni ruknak a si.
Semtirnak 2:3
3. A hnatuan mi a theh ih a ni sarihnak ah a colh ruangah Pathian in cui ni cu thlawsuah a pek ih ni sunglawi ah a canter.
[13.2]
A ni sarih ni a ti thianhlim (serh) thu thawn pehpar aw in thukham a rak pe leh. Hi ni hi ti thianhlim ding tiih a serh hran hnu cun cui ni ah Amah cu a cawl, ih cui ni cu minung hrangah colhnak ni ah A tuahsak (Mk. 2: 27).
Suahlannak 20:8-11
8. Colhni cu ul awla thiangter aw.
9. Ni ruk sungah nan hna hmuahhmuah nan tuan pei ih
10. Ni sarih ni cu colhni a si ih BAWIPA nan Pathian hrangih ni a si. Cui ni ahcun hna nan tuan lo pei; nanmah siseh, nan fate pawl siseh, nan sal pawl, nan tilva pawl leh nan khawsung ih a ra mi miphun dang pawl khal siseh hna an tuan lo pei.
11. Ni ruk sung BAWIPA in van le leilung, tipi le a sungih a um mi hmuahhmuah a tuah ih a ni sarih ni ah a cawl. Cuhrangah BAWIPA in colhni cu a thlawsuah ih amai hrangah a thianter a si.
[13.3]
Curuangah Pathian hin colhni hi amai hrangih rak tuah a silo ih thildang a rak sersiam vek khan milai hrangih rak tuah mi a si, thimnak ah- Zanthing kung pawl, tilva pawl, tlunzuang vate pawl, nga pawl leh lei parih thlai hnah pawl hmuahhmuah hi minung hrangih rak tuah mi an siih; hi colhnak ni khal hi cuvek thotho in milai pawl hrangih rak tuahsak mi a si.
Marka 2:27
27. Cule Jesuh in "Sabbath cu minung hrangih tuah mi a si; minung hi Sabbath hrangih tuah mi a silo."
[13.4]
Thukham a pathumnak thlun dingih a rak pek mi cu sia leh tha theihnak thingkung kha a si. Hi san lai ahcun Judah mi le Zentel mi vekin an rak um hrih lo. Curuangah, leitlun ah Babel lung an rak dawl hlanah kha cun thenawknak hrimhrim a rak um lo. Hiti an rak thenawk hnu ah Abraham cu a ra suk luailo ih a hnenah thukamnak dang a rak tuah. Cui A thukamnak cu a fapa hnenah a run bet lehsal ih, cun Abraham ih fapa Isak hnenah, cun a tu sin Jacob hnenah a run tuah vivo (Sem. 12:2,17:6, 18:18, 22:18).
Semtirnak 12:2
2. Tefa tampi ka lo pe dingih miphun tumpi ah an cang ding. Thlawsuahnak ka lo pe dingih na hmin ka thanter ding; cutin thlawsuah mi na si ding.
[13.5]
Dan Thuhla
Jacob ih fapa hleihnih ihsin Israel miphun an ra suak, a sinan Moses hnenih Dan pek hlan kulh sung kha cu thukamnak in a rak uk hai. Pathian in a hmaisabik ah Adam hnenah thukamnak a rak nei (Adamic covenant) ih cun Noah hnenah (Noahatic covenant), Abraham hnenah (Abrahamic covenant), le Isaac leh Jacob ih hnen pawlah thukamnak a rak tuah a sinan Dan thukamnak cu Sinai tlang parih Moses hnenih a rak pek hlanah kha cun khai Dan kha a rak thok hrih lo ih hi hi Jesuh Khrih ratsalnak ih hmai hruaitu dan a rung si. Jesuh Khrih ih ratsalnak hin hi danthu hi phun li in a run zawh famkimnak kan hmu thei (Mat. 5:17, 18).
Matthai 5:17-18
17. Moses Dan pawl leh profet pawlih thuzirh mi siatsuah dingah a ra, ti ah i ruat hlah uh, cu pawl siatsuah dingah ka ra lo, an zirh mi pawl kimter dingah ka ra sawn a si.
18. Hi hi cing ringring uh- lei leh van a um sung cu Dan sungih dan terek bik pakhat hman a hlo lo ding.
[13.6]
Famkim kan timi hi, kan simduh mi cu tuah thluh ding, a net tiangih tuah ding ti hi a si. Cuvek in thlalang no sungah ti kan thun tikah kan thun khah hnu lawngah ti a khat thei. Jesuh Khrih hi Dan ti danglam dingin a rung lo cui dan ih a fial mi pawl hlawhtling takih rung ti famkim tu dingah a rung sawn a si. Hi hi Jesuh Khrih locun minung zohman in an rak ti pitling thei hai lo ih tui hnu khalah Amah locun zohman ih ti pitlin thei ding thil a silo (Rom 3:23, 5:12).
Rom 3:23.
23. Kan zaten misual kan si theh ih Pathian ih sunlawihnak kan co ban lo.
Rom 5:12
12. Sualnak cu mi pakhat thawngin leilungah a ra ih cui sualnak cun thihnak a thlenpi. Curuangah sualnak cu mi hmuahhmuah hnenah a thleng, ziangtintile zozo khal an sual theh.
[13.7]
Ziangkhal a sile cui dan cun a dil mi hmuahhmuah ti famkim dingin a thukam thar a ra suah lai hlan lo a tang ringring ih cucu Zangfahnak thukam kan ti. Hi dan cu thuthennak hnuai ih tling theilo pawl thuthennak ih thuthentu a si dingih (Rom 2:12) cucu lei leh van an hlohral lai hlanlo a um ding a sinan Dan thu hi ti famkim ih a um hlan kulh sung ahcun lei leh van khal an hloral lo ding.
Rom 2:12
12. Zentel mi pawl cun Moses Dan an nei lo; an sual tikah Dan nei lo in an hloral men. Judah pawl cun Moses Dan an nei; an sual tikah Dan vekin thuthennak an tuar.
Thuphuan 21:1
1. Cui hnu ah van thar leh lei thar ka hmu. A hmaisa ih a rak um mi van le leilung an hlo ih tifinriat khal a um nawn lo.
[13.8]
Dan thu kan hnenih in rak peknak san hi kan sual lailangtu dingah a si. Himi hi rak um lo tariai sehla cu minung hin kan sualnak hi kan thei aw theilo ding. Sual cu Pathian ih duh thusam lengih um mi thil a si.
Rom 3:20
20. Ziangahtile zohman in Dan thlun ruangah Pathian hmai ah thiamconak a ngah thei lo. Dan ih hnatuan cu minung an sual theihternak lawng a si.
Rom 7:7
7. Cuti a sile ziangtin so kan ti ding? Dan hrimhrim hi sualnak a si, kan ti ding maw? Ti hlah! Sikhalsehla sualnak a si ti in theihtertu cu Dan hi a si. Dan in, Midang thil daw hlah, in ti hlah sehla midang ih thil dawt cu ziang a si ti kan thei lo ding.
[13.9]
Dan In In Zirh
Mi pakhat ih tuah rero mi sualnak kha Bible vekih in sim ringring tu cu thukam hi a si. A si ko lo sawm. Thukamnak hi Thuthlung Hlun Dan thu hlanih rak um cia zo si hmansehla a zate deuhthaw in thukam ropi a ra suah hlanah a tling lo zo cui zangfahnak thukam cu Khrih ih khenbehnak a tuar tiangah khan kaihhnoihnak a nei ih curuangah Jesuh Khrih ih thuhla ngannak Thuthlung Thar ah ngankhum in a rak um ve.
[13.10]
Dan thu hi milai pawl hnenah anmah te an theihawknak ding hrangih rak pek mi a si. Cunah cun mi hmuahhmuah in tarlang an siih cutikah mi zohman a tuah thatnak ruangin Pathian hmai ah dingfelnak a ngah theilo. Minung hi thlarau thil thu ah nasa ten harsatnak a tong a sinan Pathian thawn ziangtluk in kan hla aw ti khal a thei thei cuang lo. A sinan Pathian ih milai a duhdawtnak ruangah, minung kha an sualnak ruangah amah an theih theinak dingin an hnenah tarlang awk a tul ti a thei ih an sualnak ruangih hloral thluh ding cu a siang hai lo. Hi thu pawl ti famkim thluhnak ding ahcun minung pawl hnenah kaihruai tu a tuahsak.
Galati 3:24-25
24. Curuangah zumnak thawngin Pathian hmai ah thiamco mi kan si lehnak dingah, Dan cu Khrih a rat hlan sung in khor tu a si.
25. A tu cu zumnak tikcu a ra thlen zo ruangah Dan cu in khor tu a si nawn lo.
[13.11]
Minung pawl hin Dan thu zawh ding hi ol ai te ti cu an thei ko nan sual tuah duhnak thinlung in a ciahneh tuk ih cui sualnak cun a tlaitluan in Pathian hmai ah cohlan tlak lo dingin a tuah ringring ih a tumtah hmun hman thleng theilo dingin siatralnak ah a thlenter.
[13.12]
Khrih Cun In Hlangkai Zo
Dan hin ziangtik hmanah rundam in tum dah lo. Ziangtik hmanah rundamnak hrangah hriamhrei tha a si lole ngahsalnak dingah a tha hrimhrim lo. Culawng silo in Pathian ih lom tlak si thei ding khal in in tuah dah lo. In theihter mi sawn cu minung hi rundam tul a si thu lawng in theihter. Hi thukamnak cun minung kha thihnak ah a hruailut a sinan Pathian ih tumtah mi ropi cun minung cu a sualnak zate ihsin a thiangfai ter, ih nunnak co phu ve dingah a tuah. Minung pakhat in leitlun ah sual a tlunsuak thu kha Pathian in a ruah tikah minung pakhat ihsin sualnak kha leitlun ihsin thawn hloh a si ding (Rom 5:17-19).
Rom 5:17-19
17. Adam ih sualnak ruangah thihnak in mi a uk thlang ti cu thungai a si. Sikhalsehla Jesuh Khrih ih a tuah mi thawngin ziangtluk thatnak tum sin so a um ter! Pathian zangfahnak tlamtling a ngahtu leh Amah thawn remawknak laksawng a cotu hmuahhmuah cu Khrih thawngin an nun sungah nehtu an si ding.
18. Cuti a si ruangah sualnak pakhat tuah mi in mi hmuahhmuah cu sual a phurh bangtuk in dingnak pakhat tuah mi in mi hmuahhmuah cu a luatter hai ih nunnak tla a pek.
19. Cule pakhat ih thu ngailonak ruangah mi hmuahhmuah misual ih canter an si bangtukin mi pakhat ih thungainak thawngin mi hmuahhmuah cu Pathian thawn an rem aw ding.
[13.13]
Hi thil hi cun minung kha sual leh mawhnak nei lo ah a tuah ih cucu A Fapa neihsun peknak in a si, thimnak ah- Tufano ih hlanawknak, leitlun sualnak phurtu kha.
[13.14]
A thupi mi thukam hmaisa (Dan thu) cun tlamtlin lonak a rak nei. Kan simcia zo bang khan, hi cun mi zohman runsuah thei mi a rak nei lo.
Hebru 8:7
7. A hmaisa thukamnak ah famkim lonak um hlah sehla a neta deuh ih thukamnak cu a tul lo ding.
[13.15]
Curuangah tulai cun Jesuh Khrih ih thawiawknak ruangah, kannih cun thukam thar kan tuah salih a hmaisa thukamnak ai in a tha sawn, thimnak ah- Dan cun nuam teten a lo that ding, ih a lo siatsuah vivo ding, cule thuphan hlolak ah a lo tuah ding (Heb. 8:13, 9:11-15).
13. Hibangtuk in thukam thar thu Pathian in a sim ruangah a thukamnak a hmaisa cu a hlun ah a cang zo; cule a hlun zo mi le a tetzo mipawl cu a rei hlanah an hloral ding a si.
Hebru 9:11-15
11. Sikhalsehla Khrih cu thil tha a um cia mi pawl ih tlunah Puithiam Sang si dingin a ra zo a si. A hnatuannak puanthlam cu a tum sawn ih a famkim fawn. Milai ih tuahmi puanthlam a silo ih hi leilung tuah mi thil sungih a tel mi khal a si lo.
12. Khrih cu cui puanthlam sungih a luh ih Hmun Thianghlim Bik ah kum khat daih in a thlen tikah me thisen leh cawcang thisen pawl kha raithawinak hrangah a keng lo; amai thisen sawn a kengih kan hrangah kumkhua rundamnak a tuahsuak a si.
13. A thiang lo mi senpi parah puithiam in me thisen leh cawcang thisen le ur mi cawte ih vutcam pawl kha a theh ih cuti tuahnak in an thianfai lonak hmuahhmuah a thianfai ter a si.
14. Cubangtuk thianfainak a um thei a si ahcun ziangtlukin so Khrih ih thisen cun a thiangfai ter ding! Kumkhua ih a nung mi Thlarau sungin a famkim mi raithawinak ah amah leh amah Pathian hnenah a pe aw a si. A nung mi Pathian hna kan tuan theinak dingah, a thahnem lo mi kan dan thlun duhnak thinlungih thilrit kha a thisen in in tlengfai sak ding a si.
15. Cuti a si ruangah Pathian ih a kawh mi pawlin a kam cia mi kumkhua thlawsuahnak an co theinak dingah thukamnak thar a ngaihtuahtu cu Khrih a si. Cumi a si theinak cu Khrih a thihnak thawngin a si. A thihnak in a hmaisa thukamnak hnuai an um lai ah an sualnak sung ihsin a luatter ding a si.
[13.16]
Hebrai miphun pawl hin kum khat sungah ulh ding Sabbath ni tampi an nei. Thuthimnak ah- Lantak puai, Pentikos puai, Yom kippur, Rosh Hashanah timi pawl leh puai dang malte te in ulh mi an rak nei hnuaihni. Hibang pawl khal hi Sabbath ni ti in an ko thotho a sinan tu cu a hleice in zarh tin ih an ulh mi Sabbath thu, zarh tin colhnak ni thu kan rel ding. Hi ni hi zirtawp ni zanlam ni a tlak ihsin zarhte zan ni a tlak tiangin an rak ul a si. Hiti in ziangtik hmanah thlengawk ti ni a rak um lo ih tui kan lei leh van a um kulhsung cu a thlengaw dah lo ding.
[13.17]
Curuangah Dan cun thlun a tum rero nan a rak hlawhsam ta riai, a sinan kannih cu Dan thar zangfahnak hnuai ih leng kan si, camsiatnak hnuai ih tlangleng mi kan silo, cui dan thlun kan tumnak ruangah Pathian zangfahnak in kan rak tlu sawn (Gal. 5:4).
[13.18]
Ralrinnak!!
Galati 5:4
4. Nanmah lakah Dan thlun tahrat in Pathian hmai ah thiamco ternak ngah a tumtu cu Khrih thawn an pehzom awknak hri nan sattan zo a si. Culawng a silo, Pathian zangfahnak ih lenglam ah nan thleng zo.
[13.19]
Dan thlun kan tumnak ahhin a pakhatte kan buar sual a si ahcun a zatei buar thawn a bangaw (Jeim 2:10).
[13.20]
Hiti ih kan ti tikah Judah pawlih an khawmawk ni ah hin Pathian kan be thei velo tinak a si maw? A si lamlam lo. Kannih cu mi zalen kan si ziangkim kan tuah thei. Kan danglam awknak cu kannih cu ziang tuah ding hman fial mi in nei lo. Curuangah hi ni ah amah biak duh khal le a theih thotho, Judah pawl khal hin zalennak an nei ve ko nan hi lam ruat duh lo in Dan in a kaihrem ringring hai (Rom 14:5,6 ).
Rom 14:5, 6
5. Mi pakhat in ni dang tampi lakah ni ni khat cu a thupi bikah a ruat; cule midang pakhat cun ni hmuahhmuah cu an bangrep theh ti ah a ruat. Anmah ciarin an thinlung sungah fiangter hai seh.
6. Mi pakhat in ni ni khat hi a sunglawi ce ih a ruah ahcun cumi cu Bawipa upatnak in a tuah mi a si; ziang hmuahhmuah a ei theitu khalin Bawipa upatnak ah a tuah a si; ziangahtile a ei mi rawl ruangah Pathian hnenah lungawinak a langter. Ziang hmuahhmuah a ei lotu khalin Bawipa upatnak ih a tuah mi a si ih Pathian hnenah lungawinak a langter ve.
[13.21]
Sal A Um Nawn Lo
Thukham Thar hnuai ahcun Pathian hnenah kan thilpek dingah le thangthatnak dingah zarhkhat sungih ni khatkhat kha hmang thei dingin zalennak kan nei a si; ziang ni khal kha Sabbath ni thluh ah a hman theih. Kannih Khrifa pawl hrang ahcun Amah hi kan Sabbath a siih kannih cu cui Sabbath ahcun kan cawl, ih cui Sabbath ah daihnak kan nei, ziangahtile Anih cu kanmah ah a um ringring. Curuangah mi zohman kha kan parah thu kan thenter nawn lo dingih ei si maw, in si maw, a si lole kan tuah mi thil in si maw, cun colhnak ni in simaw, rawl khawm ni pawlin si maw a si lole Sabbath ni pawlin si maw thu in then theilo (Kol. 2:16).
Kolose 2:16
16. Cuti a si ruangah zohman in nan ei nan in ding thu ah siseh, ulh ding niserh thu leh thla thar puai thu ah le Sabbath thu ah siseh, dan lo tuahsak hlah haiseh.
[13.22]
Mi hrekkhat cun Khrifanak hi Thukham hlun (Thuthlung Hlun) ah a hram a bun tin an ruat. Hi thu ruahnak hi thu sual a si. Dan khal hin amah hram thukham hlun a rak nei. Thukham Thar cu thutiam parah a thum aw ih Jesuh Khrih in a thok ih Moses, Abraham, Noah leh Adam ih thok mi a silo. A voikhatnak Khrih ih thawhsal hnu ih dungthluntu pawl thawi an tonawk hmaisa bik ni kha zarh khat ih a ni hmaisabik (Zarhpi) ni ah a si. Hi can hi dungthlun pawl hnenih Khrih a thawhsal hnu ih a larawk hmaisabik tum a si.
Johan 20:19-23
19. Cui Nipi Ni zanlam ah dungthluntu pawl cu hmunkhat ah an tong aw. Judah mi hotu pawl an tih ruangah sangka hmuahhmuah an khar theh. Cule Jesuh cu a ra langih anmah lakah a dingih Nan hnenah daihnak um ko seh, ti ah a ti.
20. Cumi a tong theh in an hnenah a kut leh a hnak a hmuh. Dungthlun pawl cu an Bawipa an hmuh tikah an lung a awi ngaingai.
21. Jesuh in an hnen ah, Nan hnenah daihnak um ko seh! Ka Pa in i thlah vekin nannih khal ka lo thlah ve a si, ti ah a ti.
22. An parah a thaw a thawt ih, Thlarau Thianghlim rak co uh!
23. Mi an sualnak nan ngaidam ahcun ngaidam an si ding; nan ngaidam lo a si ahcun ngaidam lo an si ding, ti ah a ti.
[13.23]
Kawhhran ih tonkhawmnak ni hmaisa bik cu Pentikos ni kha a siih thlairah hmaisabik khawm ni kha a si. Hi ni hi Judah dan ih an colhni a siih hi ni ah kawhhran khal a piangsuak. Hi ni rori ah inn tlun ih a rak um mi pawl hnenah Thlarau Thianghlim kha a rung tum. Piter cun kawhhran hnenih a sermon hmasabik kha hi ni ah a si (Khrih zumtu pawl lakah), profet pawlih an rak sim cia mi kha a rung famkim. Cui thu an rak theih lai ah an cohlang ih an zumih baptisma an co hai ( Dung. 2 ).
[13.24]
Pentikos puai ni cu zarhkhat ih a ni hmaisabik ni hi a si (Pui. 23:15-22) ih curuangah a si ding zumtu pawl khal colhni, zarh khatih ni hmaisa bik ih kan tonawk khawmnak, ziangruangah tile hihi thukam thar hmuhsaknak a si. Dan vekih rak tuah mi dan hlun Sabbath ni ulhnak kha ti danglam cu a silo nan thukam thar ih phenthlam a si ti kha kan theih a tul ih Colhni sim duhnak a si sawn (Thup. 1:10).
Puithiam Hnatuannak 23:15-22
15. Bawipa hnenih fangtel hmaisa bik nan pek ni, Sabbath ni ih thaisun in zarh sarih kim ten siar uhla,
16. Ni sawmnga nak ni, a vei sarihnak Sabbath thaisun ah nan rawl thar pawl cu BAWIPAI hnenah nan pek pei.
17. Insang pakhat in sangzawl hnih ciar BAWIPA hnen nan pek pei. Sangzawl khat cu sangvut rel tan in thilnu thawn nan tuah pei ih fanghun thawinak ah BAWIPA hnenah nan pek pei.
18. Cumi sang thawn, kum khat ti raitluan tucang pa sarih, cawcang pakhat le me pahnih cu Israel mi in nan lak pei. Cumi pawl cu fanghun thawinak le sabit ti thawinak thawn mei ur thawinak ah BAWIPA hnenah nan pek pei. Cui thawinak cu BAWIPA hrangah rimthaw a si.
19. Cule sualthlah thawinak ah mecang pakhat leh remnak thawinak ah kum khat ti tuu pahnih nan pe pei.
20. Cui sang thawn tuu pahnih cu puithiam pawl hrangah puithiam in BAWIPA hnenah a pek pei. Hi thawinak pawl cu a thianghlim mi thawinak an si.
21. Cui ni ah zohman inn hna nan tuan lo pei ih Pathian be ding lawngah nan khawm pei. Khuitawk ih an um hmanah nan tefasin pawlin hi dan cu a kumkhua in an thlun ringring pei.
22. Nan lo rawl nan lak tikah lori tiangin na la lo pei; a lep hawl dingah nan fehsal lo pei. Cu pawl cu mi farah le mi sukso pawl hrangah nan tan pei. Keimah cu BAWIPA nan Pathian ka si.
Thupuan 1:10
10. Bawipai Ni ah Thlarau in i kai ih ka dunglam ihsin tawtawrawt vekin a ring zet mi aw thawm ka thei.
[13.25]
Mi zokhal in Sabbath ni tengteng ah kan tongkhawm aw ding a tile, thimnak ah- Zarhte sun hi dan vekih ulh dingin leiba vekih a ngai ahcun dan in tul a timi hmuahhmuah kha thlun thluh a tulnak ruangah rundamnak kan tul ti in theihter (Gal. 5:1-2; Jeim 2:10).
Galati 5:1-3
1. Khrih in in luatter zo ih kannih cu a luat mi kan si zo. Curuangah miluat nan sinak ah khan fekten ding uhla sal cang sal nawn hlah uh.
2. Ka sim mi ngai hnik uh: vun zim nan tan ter awk a si ahcun Khrih cu nan hrangah zianghman thathnemnak a nei hrimhrim lo, tinak a si.
3. Ralrinnak thu ka nolh sal ding: zokhal vunzim a tan ter awk a si ahcun Dan a thlun theh a tul.
Jeim 2:10
10. Cule zokhal thukam pakhat a buar ahcun thukam zate buartu a si.
[13.26]
A net kan kharnak ah thukam thar thawn pehpar aw in simbet kan duh mi cu kannih cu dan hlun ihsin ti zalen kan si zo. A tu cun kan thinlung duhnak hnakin Khrih thawi kan pehzomawk zo ruangah cucu ti hlawhtling ding kan si sawn. Curuangah nitin zalen tak in Pathian biak theinak kan nei zo. Khai dan hlun lawngin zarh khat ah voikhat Pathian biak a siang. Cui dan hlun hnuai ahcun Levi cithlah pawl lawngin puithiam hna kha an tuan thei, a sinan tui danthar hnuai ahcun kan zaten puithiam kan si thluh (I Pit. 2:5,9), cuti a si ruangah kannih cu tu le tu Pathian kan be thei ringring ih veihnih khat ah tla cun Aman in run ko sawn riangri. Nunphung zawngih Colhni Sabbath hmannak kha cu ti tawp a si zo ih tu cun zianghman thil tul a um nawn lo. Zarhte sun Sabbath kha cu Israel fate pawl hrenah rak tuah mi a siih cucu thihnak ih hremnak a si. Jesuh Khrih cun hi dan ihsin luatnak in pe ih cucu nuntam kan neih sinsin nak ding hrangah a si. Curuangah hi thil phun hnih umtlang zo mi hi fehtlang thei an si nawn lo (Jn. 10:10).
I Piter 2:5
~~~~~~~~
5. Nanmah khal ra uhla a nung mi lungto bangtukin thlarau biakinn saknak ding hrangih Pathian ih hman mi lungto si uh. Cutawkah puithiam thianghlim hnatuan nan tuan dingih cohlan tlak mi thlarau raithawinak kha Jesuh Khrih thawngin Pathian hnenah nan pe ding.
9. Sikhalsehla nannih cu hrilcia miphun, Siangpahrang ih puithiam, miphun thianghlim, Pathian ih miphun thianghlim bulce nan si. Khawthim sung ihsin khawruah harza tleunak sungih a lo kotu Pathian in mangbang za thil a tuah mi pawl tlangau pi dingih hril mi nan si.
Johan 10:10
10. Rukru cun ru ding, thah ding leh siatsuah ding lawnglawng ah a ra. Kei cun nunnak an ngah ih tlamtling zetih an ngahnak dingah ka ra a si.
[13.27]
Fektei Dinnak
Dan thu kha cun thihnak a phur nan Khrih cun a phur ve lo, ih a thawiawknak in thukam thar tha sawn kha a lei zo ih a hlun kha hmun hlapi ah a dawisuak, thutak ah in hruai lut ih amah zumnak in kumkhaw nunnak ah in hruailut. Curuangah kannih cu Amai in leisak mi zalennak thawn fekte in kan din ngeingei a tul a si.
Galati 5:1
1. Khrih in in luatter zo ih kannih cu a luat mi kan si zo. Curuangah mi luat nan sinak ah khan fek ten ding uhla, sal cang sal nawn hlah uh.
[13.28]
A sile Zarhte sun lole zirtawp zingih biakkhawm hi a sual maw? Pathian thawi kan pehtlaihawknak hi can tha lo teh a um cuang maw si? Cuti ih Sabbath ni kherkher kan hril a sile cucu kan thinlung in kalhtu a si ruangah Pathian ih in tuahsaknak hi kan tihzah lo tinak a si, curuangah Pathian ih cawisan mi midang pawl kha va sawisel hla uh si.
Rom 14:5-6
5. Mi pakhat in ni dang tampi lakah ni khat cu thupi bik ah a ruat; cule midang pakhat cun ni hmuahhmuah cu an bangrep theh ti ah a ruat. Anmah ciarin an thinlung sungah fiangter aw ta hai seh.
6. Mi pakhat in ni nikhat cu a sunglawi ce in a ruat ahcun cumi pa cu Bawipa upatnak a tuah mi a si; ziang hmuahhmuah a ei theitu khalin Bawipa upatnak ah tuah a si; ziangahtile a ei mi rawl ruangah Pathian hnenah lungawinak a lang ter. Ziang hmuahhmuah a ei lotu khalin Bawipa upatnak ih a tuah mi a siih Pathian hnenah lungawinak a langter.
Pathian in a duh mi thu a sim ih a duh mi in a tul mi a sim.
[13.29]
Kumtin in Khrismass can a ra suak, ruahnak a phuhphun a um vekin soiselnak tinreng a phuhkim in a ra suak. Kan theih larzet mi thusuhnak le soiselnak pawl cu a hnuailam ih ta vek hi an si:
bumawknak tuktak men a si.
8. Kannih cun Pathian ih laksawng pek mi hi kan lom sawn ding mi a si, thimnak ah- Jesuh Khrih pek mi rundamnak laksawng tla hi kum khat voikhat silo, a tlaitluan in hman sawn ding a si.
[13.30]
Tu cun a tlunih kan sim mi pawl hi ngaihtuah tlak tak an si, kan fale pawl ih tidai bualnak khan ih thil an hlon vekih hlontlak mei ding cu a silo. Kan ralrin ding mi cu kanmai ruahnak lawngin dingfel kan tum ding a silo, a sinan tihzah le upat takih ngaihtuah thluh ding a si, ih thinlung khal kau takih ong aw in ruah ding a si. Mi khawruahnak siatsuah ding zawngih thuruah ding a silo a si lole hi mi pomtu pawlin kan inn ih an ra len tik khalah tha tei ngaisak ding a si.
[13.31]
Kan Thlirsal Kei Uh
Jesuh Khrih ih suahnak ni hi thatei kan ngaihtuah a sile thuruah tlak zet thil a siih a suah ni kha ruah that sal tul mi a si, a sinan kan ruahnak kha a ti pelhsolh men. Hi hi thu buaithlak a siih a tikcu ih kan tuah khal a sile December ni kul hluan nga ni vekin a tha thotho.
[13.32]
Hi thu hin thubuai pahnih kan nei ta; dungthlun pawlin hi ni hi an rak hman lo a sile kannih in teh kan hmang ding maw? Hihi thubuai pahnih nak le pali nak a si. Thuthlung Thar ah hi ni hi ni hleice ih tarlangnak a rak um ngai lo, thil awm ang tak cu a si ko, kannih Bible hliakhlai tu pawl hrang ahcun dungthlun pawl hin hi laksawng hi nitin an nunnak in an tehton mi hlir a siih cucu pipu thuro cah mi vek silo in thuthang tha sawn in a si, rundamnak thuthang tha sual ngaidamnak leh Pathian thawi rualrem salnak in nitin an rak hmang sawn a si. Hi thu hi an tlangau pi mi thu a siih annih cu leitlun thangsuak dingih thu phurtu pawl an si.
[13.33]
December ni kul hluan nga ni hi pagan khuavang puai ni thawi a bangawk hmanah a si lole an bangaw kherkher tinak a si mai, ziangso a poinak um? Hi pagan khuavang ni hi mirang ram tikulh pakhat Druids lawngah December ni kul hluan nga ni hi an ul ih cucu leitlun ih pagan khuavang ni kan ti thluh thei ve ding maw? Hi leitlun khuavang biaknak hmun hrekkhat ah kumtin ten ul in biaknak an nei theu hai. Hi leitlun hi Setan ih lalram a siih kannih khal cumi ah kan um ve, kannih Khrifa pawl cu A thu theihter tu, ram nortu, kan siih A hrangah cangsuak dingih beihpi tu kan si. Setan hi a tha a nau sung te ah kannih kan cak deuh vivo. Kan simduh mi sawn cu kannih cu hi thuanthu theh lartu pawl kan si ti hi a si.
[13.34]
Kanmah hnakih thupi in kan ren mi, kan biak mi le a thu kan thlun mi cu kan milem an si, curuangah Khrismass parkung leh milem zuk tla kan nunnak ih buaipi khop in kan tuah leh lutuk a si ahcun kan insang le kan fale pawl hnen in siseh kan hlonhlo thlang kei uh. Dan naran zianghman lo ih kan ngai mi in kan insang kan ceimawi a si hmanah insang pawlkomnak tla a suah thei ruangah ziangah kan hreh ding? Himi men hin sual tuah dingah siseh thil tha tuah ding khalah siseh zianghman huham a nei cuang lo. Cei awknak phunkhat men a siih pupa san ihsin rak tuah mi ziang thawn a bang aw tile suahni lomnak sangduap (Birthday cake) parih sathau far van vek khi a si.
Jeremiah 10:3-5
3. Himi pawl ih biaknak cu ziaghman lo a si. Tupi sungah thingkung pakhat an hau ih, zungthiam pawlin an hriamhrei in an ser ih
4. Sui leh ngun thawn an mawiter. A tluk lonak dingah thir in an khencih.
5. Cubangtuk milem cu lo sungih rit tih thlai mi vek an si. An tong thei lo. Cawi cop an tul, an feh theilo ruangah. Cu pawl cu tih hlah uh, zianghman an lo ti theilo, nan thatnak an tuah theilo ih, nan siatnak khal an tuah thei fawn lo, a ti.
[13.35]
Dan thu zawng hlirih kaihhruai awknak hi cun mizia cangvaihnak a ti corna. Pathian hi kan ruahnak lole a zohzunnak ruangih kan thlun a si ahcun a dan zawh zawngin kan thlun ding, a sinan kan thinlung sung rori ih duhnak thawn kan thlun a si ahcun kan mizia ah bangawknak tamzet hmanseh cangvaih danah danawknak te a neiih dan hin fa te hman mi a tawnhrem lo.
[13.36]
Peknak khal hi cuvek thotho a si. Thil kan pek tikah lo theih lo ih ngainak a si lole thildang tihnak men ruangah si maw lole ruahnak sual thawn kan pek a si ahcun a si dan ding vek a silo ruangah a sualih dan naran vek men a si.
[13.37]
Khatlam zawngin kan sim leh a sile pek tulnak theihthiam ruangih kan pek leh midang kan duhdawtnak kan langter duh a sile cumi cu mai zawnruahnak zianghman a tel lo ih Pathian duhzawng tak a si. Hivek cu a uanthuan thlak lo sawm? tla na ti men ding. Cun kum tin ih tonkhawmawk hi teh a tul maw? A si a tul ko. Tuah rori ding mi a siih a hmun kha ruat felin Pathian hnenah a dang ni zathum leh sawmruk leh ni li pawl hrangah lungawi thusim kha hngilh lo ding a si, a sinan America mi pawl ih cawlhnak ni an timi lung awi thusim ni vek kha cun tuah ding a silo.
[13.38]
Thilpek sunglawi bik kan rak peknak ah khan khui mi ni hi ha ni dik lo rak um? Kan thilpek mi hi mifim pawlih keneh thlunin Matthai 25:40 thawn kan bukton thei ding maw? Mi tampi cun mifim pawl bang khan thlarau khualtlawnnak ah kan timtuah ciamco nan cawrawl peknak kuang sungih Jesuh kha cu tlai hnukhua pi lawngah kan va tong ngah, a sinan a tikcu khelh in laksawng cu pek thotho ding a siih cui laksawng cu rethei harsa bom tulmi pawl hnenah pek ding a si.
Matthai 25:40
40. Siangpahrang in, Thungai in ka lo sim: hi ka unau nautabik pakhat khat parih nan tuah mi cu ka parah nan tuah a si, a ti ding.
[13.39]
Santa Claus cu Khrismass hminsinnak a si, tikcu can mangsuak tertu, naute ngaihtuah tertu a siih kannih hrang ahcun milem hmuhsaknak silo in Jesuh Khrih hmuhsaknak sawn a si. Kannih cu a tak neitu kan si ruangah suangtuahnak neih kan tul lo. Hibang pawl hin kan fale pawl in bum sak rero, Jesuh Khrih thu hmangin a hleice in in bum rero a si hi.
[13.40]
Bum Awknak Ropi
Sui rong Easter Sabek te pawl, cawi tikah hmul nemte thawn
Ziangtluk duhnung za so an si
Ziangtluk zangfak za so an si zaam in ral an relh
Thutak cun milai a zalen ter.
Ka lo hngilh thei lo taktak
Santa hlun te sakhi no bang
Runtu'i suahnak an tuam mawi
Laksawng pawl, lungawinak le nomnak in.
Nomnak hi ziangtin tiah khawruah har in
Tlunsang in Khrih a ratsal tikah
A insang hmuah a khawm thluh tikah
Vanih an tonkhawm tikah.
Sabek note pawl mak na tile
Lole Santa kha khanah a um ding
Ka rak ringhlel an sim hlanah
An zohzuun mi si hmanseh.
Siatsuah theilo mi bumnak hi ziangtluk te hman awla
Hrin thar nonawn thinlung ah tuh ding le
Ni khat ni ni ah hranhram ih latu dingah
Mitthli thawi nonawn thentu dingah.
Ka mangbang mi cu ziangruangah kan nonawn pawlin
Ziangtik hman ngai duh nawn lawn
Kan thuphan in a tawntem thlang
Bumnak ropi an fih tuk thlang.
Biakinn an thlensal hi ka mang bang
Pathian zum nawn hlah tin
An hnokhnai thluh zo
Kan hnen ihsin thuanthu men theihnak ruangah?
Thlun dingah an aan a hai nawn lo
Kalvary kan thuanthu ruangah
A rak thi mi Pathian Fapan
Zalennak pek dingah.
Bumnak thu haan khatpi an theihnak ruangah
Nu le pa le mikhual pawl hnenin
Soisel hlah uh ka ti
Ka thutak an elnak hi.
[13.41]
Mi hrekkhat in hitin an ti men thei, Pathian ih pek mi mankhung laksawng puai tuah uh si, rundamnak laksawng cu Jesuh Khrih in a siih ni khat lawng silo in nitin ten tuah uh si. A duh lotu zo a um ding maw? A sinan hi thu hi in let ta aw, Pathian ih pek mi laksawng tumbik hi ziang ni ih lom hi ha a sual? Pathian in a Fapa neihsun a pek mi Jesuh ih hlanawknak a si lole A Pai duhnak a run thlun ih rai a run thawinak hi a si ko lo maw? Kei cun ka ti, Ni khat lawng te ulh hi a thabik, ni dang a tul hnuaihni lo ka ti.
[13.42]
Cuvek in insang hi teh sung kurun ih hnih tlang hliarhlo, ei tlang, hlasak tlang, thuruah awk tlangih um hi teh ziang ni hi ha a dik lo um? Jesuh Khrih a suah lai ih caw rawl kuangih a rak ih ni kha insang in ulhnak neih hi ziang ha a sualnak um? Hitin dan thu hin kan tuah thluh hrih lai ding maw? Kei cun ka pompi lo. Curuangah kannih cun hi thil tul lo pawl hi diktak in kan thlirsal a tul a si. Santa thar tuahnak khal hi bansan in saklam Riinpi ihsin a kiangkap hmun tin ah hloral vivo in hmuh ding um nawn lo tiangin kan bansan a tul thlang. Tuisin nauhak pawlih laksawng pawl hi a hnuailam vek hin kan zoh hnik ding:
Hnenah: Fate
Ihsin: Jesuh
[13.43]
Laksawng in petu Pathian in a hnenih thuphan sim lo dingin lole lehhnu ah kan thuphan sim mi puangaw sal leh dingin in bawm a si ti hi thudik a si. Hi tin kan sim hnik ding, Santa hi cu milem te a si, ih leitlun mi pawlin a thianghlim mi Khrismass hmuhsaknak ah an hman mi men a si. Micky timi zinghnam lemte vek fang khi a si.
[13.44]
Easter Hi Ziangha A Si?
Curuangah ..Khrismass ah, kannih cun kan Bawipa Jesuh Khrih kha leitlun thilri Santa in a ai kan awh terih, a phent ah zo a um ti cu na theih ka zum. Kan Khrihfa sinak ih ni sunglawi bik hi Khrih ih thawhsal ni, Easter kan ti ni kha a si ding tin mi in an pom ding cu ka ring hlel deuh hlek.Cui tikcu can thu dungthlun Paul ih rak sim mi kha kan ngaituah hnik ding.
I Korin 15:12-20
12. Kan thuthang phuan mi cu: Khrih cu thihnak ihsin thawhter sal a si zo, ti hi a siih a tu ah ziangtin so mihrek khatin a thi mi thawhter sal an si lo ding ti ah nan ti thei?
13. Cuti ih nan timi cu a dik si bangsehla Khrih thawhter sal a silo, tiah a cang ding.
14. Cule thihnak ihsin Khrih thawhter sal lo a si ahcun Thuthang tha phuan ding zianghman kan nei lo ih zum ding khal zianghman kan nei lo.
15. Cuitlunah Pathian ih thu ah thuphanper ah kan cang ding a si, ziangahtile thihnak ihsin Khrih cu Pathian in a thoter sal zo ti ah kan sim ringring a si. A sinan a thi mipawl nunnak ah thawhter sal lo an si ngaingai ahcun Pathian in Khrih khal a thawhter sal lo a si ding.
16. Ziangahtile a thi mi thawhter sal an si lo ahcun Khrih khal thawhter sal a si ve lo.
17. Cule Khrih thawhter sal a si lo ahcun nan zumnak hi bumnak men ah a cang dingih nan sualnak sungah a hloral hrih mi nan si ding.
18. Cuitlunah Khrih a zumtu a thi mi pawl khal an hloral ve ding.
19. Khrih sungah hlohralnak kan neih mi hi khuitawk hman thleng lo in hi leilungtlun kan nunnak hrang lawnglawng a si ahcun minung lakah zangfakza bik kan si ding.
20. Sikhalsehla thu hman cu hitin a si: Khrih cu thihnak ihsin thawhter sal a si zo ih cumi cu thihnak sungih a it mi pawl thawhter sal an si ding tinak amahkhan a si.
[13.45]
Thu pom tlak zet nihleice ih kan ruah mi pakhat cu sabek pawl hmul ah rong hnih in kan fale pawl an theihthiam le theihthiam l ti ih kan hawl ter theu can khi a si. Hibang thu lolak vek men thu pawl tla hi kan simfiang hai lo a si ahcun Easter bawmpi ah tul lo emem in thu kan ruat dingih bawm le kho khat pin muthai le thilri dang san liailiai mi tla an va lawm ciamco pang thei. Bumawknak phunphun in, thimnak ah: Jesui thlan lawngpi ih a runglangtu vancung mi pawl kha a ngaingai silo in ha tleu thar run keng tu an siih kanmai ha sia hmuahhmuah hlonsak ih a dang leinak ding paisa tanta ding ih rung an si tivek tiang in bumawknak a um a si.
[13.46]
Kan fa le pawl hnenah hin ziangruangah Thawhlehnak ah thlawsuah a um ti hi kan zirh a tul ti leh Easter sabek te khan ziangahso thanthling leh chawkalet pawl a rak tanta? tivak tla kan sim a tul. A si ve ko. America ah an tuah ruangah a si tin ka sim duh. Midang ram pawl khalin hi ai ih nasa in nan tuah tla a si men thei ..cun hivek dan nan neilo tla a si thei.
[13.47]
Mi hrekkhat pawl cun hi Easter ni hi pagan khuavang colhni thawi an cawhpolh ruangah thu buai an rak nei theu. Theihter ka duh hai zet mi cu thing le lung hin ruh an ti kiak thei a sinan hmin lawngte an siatsuah thei dah lo. Thimnak ah Colhni, ni pathian, an timi cun malte thilsual a tuah ve, kannih cun hihi ziangah kan tih ding? Kan Pathian cun an hmurka ai in an thinlung hman a siarsuak tu a silo maw si? Easter ni ah zo ruangah so biakkhawmnak kan neih thei? Easter sabek te kha biak na duh maw? Na fale in teh? Na fale pawl hi Khrih ih ratsalnak a hngaktu a si lole anmai duhnak men hngakhlap tu ha an si, Santa maw Easter sabek te an hngak? Thuthang tha hi kan fale pawlin ziangtluk in an ngaihsak, thimnak ah- thuthang tha hi? Kan Khrihfa sinak ahhin teh a thangso mi kan si maw, hibang pawl hi Easter hman tikcu can ihsin ni li sung cuihnu a dang thawhlehnak ni pawl ah teh hmasawnnak kan nei ve maw?
[13.48]
Zoha na si ti in Pathian fimnak hawl ringringtu ka rak si. Hmailamah kan hawl tlang vialvo asile kan fale pawlih thinlung phuartu leh tawntemtu hi phawihsakin thutakin hmun luah ter uh si. Thutak cu ziang a si? Johan 17:17 ah in simfiang.
John 17:17
17. Na thu in thiangter hai aw: na thu cu thutak a si.
[13.49]
Ni Thum Leh Zan Thum
Mi tambik in Jesuh Khrih kha Zirtawp sunah an khengbet ih, Easter- Colhni zinglam nisuah zawng hrawngah a thosal tin an pom cio. Hivek zirhnak hi ro-siah thurin a siih tutiangah thil awm ang lo zet a si. Hi tivek pomtu pawl cun a hrampi kha an pawh ngaingai lo, curuangah Bible ih zirh dan hin cek awsal in hibang pawl hi simfiang aw.
I Thessalon 5:21
21. Ziang hmuahhmuah hniksak hmaisa uh; a tha mi a sile pom uh.
[13.50]
Hi thu pawl hi pomtlak ih simfiangnak pakhat lawng a um, cumi cu Pathian thu, Cabu kan timi Bible lawng hi a si.
[13.51]
A Harsa Mi Fiangternak
Thawhlehnak hi zohman mit ih rak hmu an um lo. Mahte kawhhran pa pawl a ti awtu khal hin kan hman mi Bible sirhsan lo hi cun ziangtizawng hman in an relfiang thei cuang hai lo. Curuangah kan theih tulmi cu pipu pawlih zumnak kha kan somso vivo ding a silo.
[13.52]
Farasi pawlin Jesuh Khrih kha Messiah diktak a sinak thu an theih theinak dingin thilmak tuah an fial laiah khan ziangtin ha A rak leh dan kha?
Matthai 13:39-40
39. Hrampi ci a vorhtu kan ral cu Setan a si. Rawl khawm can cu san cemnak can a siih rawl khawmtu pawl cu vancung mi an si.
40. Hrampi cu an khawm ih meisa ah an ur theh; cu bangtukin san cemnak can ahcun a si ve ding.
[13.53]
A si, Jesuh hin Messiah a sinak thu fiangter dingah hmuhsaknak voikhat te lawng a rak tuah dah. Anih cun Jonah thuanthu khan a sim, thimnak ah- Jonah ih dinhmun khan a sim. Anih cu leilung sungah ni thum leh zan thum sung a um ding ti in, Jonah tidai sung um zat ciah in, thimnak ah- Jonah cu ngapi pum sungah zan thum a vung rei vek khan.
Johan 2:19-22
19. Jesuh in Hi biakinn hi bal uhla ni thum sungah ka sak thei sal ding, ti ah a ti.
20. Annih in Ni thum sungah na sak thei sal ngai pei maw? Hi Biakinn saknak dingah kum sawmli leh kum ruk an rei a si! ti ah an ti.
21. Sikhalsehla Jesuh ih a sim mi Biakinn cu amai taksa ruangpi kha a sim duh mi a si.
22. Curuangah Jesuh thihnak ihsin a thawhsal tikah a dungthluntu pawl in amai taksa ruangpi thu a sim ti kha an thei sal ih Ca Thianghlim sim mi kha an zum.
[13.54]
Tikcu Can Hmuhsaknak
Jesuh hin Farasi pawl hnenah a sizia thu kha a thawhlehnak lawng silo in mithi khua ih a thawhsal hlanih a vung rei ding tikcu can tiangin a simfiang hai.
[13.55]
Cui Messiah a sinak hminsinnak cu hi leilung ih a um lai ihsin theih theih mei. Leilung sungah ni thum leh zan thum a um a si ahcun kamcia mi Messiah a si. Cuti silo sehla cu mi dik lo, profet deu, leh ti awter mi a si ding.
[13.56]
Nauhak te khal ih theih khop in, pipu nunphung theihdan le hmuh dan cun Jesuh Khrih kha leilung sungah ni hnih hnakih mal lawng a um ti a si. Mi zo khalin ni thum ti ih a siartu cun fiangten a thei ko ding. Setan in nasa tak in cutivek rinnak pipu danthlunnak a simi cu thlun ding in hna a tuan ciamco, a sinan cumi cun Jesuh Khrih kha Pathian hriakthih a sinak simfiangnak cu a kalh a si.
[13.57]
Jonah thu hi zumlotu pawlin hnihsuak capo ih an neihnak hi na mang a bang maw, thimnak ah- Jonah le ngapi, lole zumtu pawl karlak ih an buainak hi? Setan hin Jesuh ih Messiah sinak thu hi ringhlel cio dingin pipu nunphung dan hi a hmang a si hi.
[13.58]
Mi zapi rorelnak zirhnak hi kan thlun pangih siarkop bangin kan tuak mei ahcun Jesuh Khrih cu zan hnih le ni khat lawng thlan sungah a um ti in tuisan pipu dan thluntu pawl vekin kan hmu mei ding.
[13.59]
Ni Khat Hi Ziangtluk A Sau
Bible in ziang thusuhnak hman a nei lo, a rel mi sawn cu sunah nazi (12) leh zanah nazi (12) veve in, curuangah Jesuh cu thlan ah khan nazi sawmsarih leh pahnih (72) sung a um tinak a si.
[13.60]
Jonah thu hi zohman ih el theih mi a silo, thimnak ah- Jonah kha ngapi pum sungah khan ni thum rori a um, cumi cu- nazi sawmsarih le pahnih a vung um.
Jonah 1:17
17. Bawipa cun Jonah dolhtu dingah ngapi a fial ih Jonah cu ngapi pum sungah ni thum leh zan thum a um.
[13.61]
Ngapi (nga tumpi) khan Jonah kha a kai tang theilo, thimnak ah- Jonah kha ngapi pum sungah leh Jesuh khal kha thlan in ni thum tlun lam an kai tang theilo. Jesuh khan sunah nazi hleihnih leh zanah nazi hleihnih tin a rak ti dah maw?
Johan 11:9-10
9. Jesuh in, Nikhat ah nazi hleihnih a um a silo maw? Zokhal sun khawvang ih a fehtu cun a bah dah lo, ziangahtile leilung ih a um mi tleunak a hmu.
10.Sikhalsehla khawthim sungih a feh ahcun a bah, ziangahtile tleunak a neilo a si, ti ah a ti.
[13.62]
Thuthlung Thar Cabu ah a ni thumnak ti hi tu le tu a sim leuhleuh, cumu cu- thawh lehnak ni thu ah. A tikcu can nazi hleihnihnak ah tivek hin a ti dah lo, a tikcu nikim rori hi a hmang (Matt. 20:19; Mk. 9:31, 10:34; Lk. 9:22, 18:33, 24:7,46; Dung.10:40; I Kor. 15:4).
[13.63]
Hminsin: Semtirnak cabu ih sersiam thu ah khan, Pathian in thimnak ihsin tleunak a thendang ih cumi cu sun a tiih thimnak cu zan ti ah a rak ti. Ngaihtuah awla ruatfel aw, himi hi famkim tak in sun leh zan an siih cutin nitin in a run thlun ringring. Can khat te thim mi can khat te ih tleunak in a rak sunzomnak kha a ni khatnak kan ti.
Semtirnak 1:4,5
4. Pathian in a zoh tikah a tha a ti. Cun Pathian in tleunak cu thimnak ihsin a then.
5. Tleunakcu Sun, ti ah a ko ih thimnak cu Zan ti ah a ti. Zanlam a liamih zinglam a suak, ni khatnak a si.
[13.64]
Ziangah Hihi A Hnokhnai
Jesuh cun Amai tikcu can kha fel takin a tuah. Tu hi a ni thumnak netabik le a zan thumnak netabik zan a si a rak ti dah. Sun leh zan hi nazi ziangzat a si ti a rak theifiang ih a netabikahcun Jonah vek a si ding ti khal a thei, thimnak ah- Jonah cu ngapi pum sungah a um. Ziang thu kan simbet sal hrih ding?
[13:65]
Kannih khal in minung nunphung lam kan zoh tikah tha tei kan cek that a tul. Thil ziangkim hi pom thiam a tul ih Berean pawl vek khan a thlir dan thiam khal a tul. Mi thilpek mi pohpoh tla hi lak hluahhlo mai ding a silo. Zianghman lo ih kan ruah mi khal hi ruahthat a tul ih nunphung thuhla ah tla cun ralring ih tuah ding a si.
Marka 7:13
13. Cuti ih mi nan zirh mi in Pathian tongkam cu a phiat theh a si. Cule cubangtuk ih nan tuah mi dangdang tla tampi a um a si, ti ah a ti.
[13.66]
Simfiagnak Bawmtu
Simfiangnak hi Bible sirhsan in a siih Jesuh Khrih leilung sungih a um kha nazi sawmsarih leh pahnih (72) ai ih tam lole mal lo, tilo cu a si theilo.
Marka 8:31
31. Cule Jesuh in a dungthluntu pawl a zirh ih Mi Fapa cu tuarnak nasa zet a tong dingih upa pawl, puithiam upa pawl le Dan thiam pawl in an hnong ding. An that dingih ni thum hnu ah a nungsal leh ding ti ah a ti.
Marka 9:31
31. Ziangtin a zirh tile: Mi Fapa hi mi kut ah an thlengter dingih an that ding. A sinan nithum hnu ah a thosal ding, ti ah a ti.
Matthai 27:63
63. Bawipa, hi thuphan pertu pa hin a nun lai ah Ni thum hnu ah ka thosal ding, ti ah a rak ti.
Johan 2:18-22
18. Judah mi hotu pawl cu an ra sal ih, Hibangtuk thil tuah theinak ka nei, ti na langternakah ziang mangbang za so in hmuh ding? ti ah an sut.
19. Jesuh in Hi Biakinn hi bal uhla nithum sungah ka sak theh sal ding, ti ah a ti.
20. Annih in Nithum sungah na sak thei sal ngai pei maw? Hi Biakinn saknak ahhin kum sawmli leh kum ruk an rei a si!ti ah an ti.
21. Sikhalsehla Jesuh ih a sim mi Biakinn cu amai taksa ruangpi kha a simduh mi a si.
22. Cuhrangah Jesuh thihnak ihsin a thawhsal tikah a dungthluntu pawl in amai taksa ruangpi thu a sim ti kha an theisal ih Ca Thianghlim sim mi le Jesuh sim mi kha an zum.
[13.67]
Jesuh Khrih kha leilung ah ni thum leh zan thum a um a si ti in fiangtak in Bible in in sim, cumi cu-nazi kul hluanli vei thum tinak a si. Cuti silo sehla cu Anih cu thuphan per a si ding, ih mi bumtu lole mi ti awter pa a si ding.
[13.68]
Kan Ruatsal Kei Uh
Kan Bawipa Jesuh hi leilungah ni thum sung rori a um. Hi an phun tikcu can hi kan ruah tikah kannih khalin a tikcu can hi kan rua hman thei ve. Thinglamtah par in, a rei hlanah nazi pakua hnu ah,cu cu-zanlam nazi pathum (3) hnu in, Jesuh cu a au ih a rei hlanah A thi.
Marka 15:34-37
34. Zanlam nazi pathum ah Jesuh cu, Eloi, Eloi, Lama Sabakthani! ti ah napi in a au. A tican cu Ka Pathian, ka Pathian, ziangah so i tan? tinak a si.
35. Cutawk ih a um mi hrekkhat in an thei ih, Ngaihnik uh, Elijah a ko! ti ah an ti.
36. Mi pakhat a va tlan vurvo ih puansia kha sabit tithur sungah a va ciah ih fung parah a temcih hnu ah Jesuh ih ka ah a hun hnih; Hngak hrih hnik uh! Thinglamtah par ihsin thum dingah Elijah a rung maw rung lo kan zoh pei, ti ah an ti.
37. Jesuh cu na pin a au ih a hnuk a cat.
[13.69]
Jesuh Khrih an rak khehbeh ni kha timlam ni lole Sabbath ni hlanah a si (Matt. 27:62; Mk. 15:42; Lk. 23:54; Jn. 19:14).
Marka 15:42
42. Cui ni cu timtuahni a si. (Sabbath ni thlen hlan, zirtawp ni a si)
[13.70]
Hi ni hi ni a tlak tikah Puithiam Hnatuannak cabu ih a rak sim bangin a cem hngalh, Pui. 23:32.
Puithiam Hnatuannak 23:32
32. Cui thla ni kua ni nitlak ihsin ni hra ni nitlak tiang a hleice in nan ulh mi ni a si pei ih zianghman nan ei lo pei.
[13.71]
Jesuh Khrih kha timlam ni Sabbath ni a kim hlanah an phum a si ti kha cing ringring aw. Bible ih sim mi kan theih dan cun, zanlam nazi (3)hnu deuh ah a thi lohli, curuangah a phumnak ding hmun leh thlan kha zanlam nazi (3) le nitlak karlak ah an phum mannak a si. Hi mi kan theih theinak cu a thawhlehnak hi zanlam nazi (3) leh ni veithum tlak tiang nazi (72) a rei hnu ah a si ruangah a si.
[13.72]
Hi kan sim vekin a netnak ah Jesuh cu zarhkhat ih ni hmaisabik zingpit te ah a tho lo, zarhkhat ih ni netabik zanlam can ah a tho sawn a si, thimnak ah- a ni sarih ni, Pathian colhni ah khan a si.
[13.73]
Thawhsal Ni
Thlan ih a rak feh hmaisabik pawl kha Mary Magdalin leh a rualpi pawl an si. A rak feh ni kha zarhkhat ih a ni hmaisabik zing ni a suah suarso hrawngah an va thleng, thimnak ah- Cawlhni ah (Mk. 16:2; Lk.24:1).
Johan 20:1
1. Zarhpi Ni zingpit khua a van hlanah, Mari Magdalin cu thlan ah a va feh ih thlankhar lungpheng thawn cia in a um kha a hmu.
[13.74]
Zarh khatnak a ni hmaisabik ni ih thlan ih va fehtu pawl khan Jesuh kha khui in a tho tin an rel? Zianghman relnak an nei lo. Khawthim lai ah an va feh nan thlan kaa cu ong aw zo in an va hmu. Culai ah vancung mi cun hmaiton in, Hinah a um nawn lo, a tho zo an ti. (Lk. 24:6; Jn. 20:2; Matt. 28:5, 6 ).
Marka 16:6
6. Anih in Nan thinphang hlah uh! Thinglamtah ih an thah mi Nazareth Jesuh nan hawl ti ka thei. Hinah a um nawn lo, a thosal zo. An retnak hmun hi ra zoh hman uh.
[13.75]
Colhni zing khua a van zawngah Jesuh kha khanah a rak um nawn lo. Ziangruangah a si pei? Ziangruangahtile Anih cun Hebrai pawl ih Sabbath ni zanlam ah a rak tho daih zo, cumi cu-Zarhte zan lamah. Curuangah Sabbath ni hi zarhte zanlam ni a tlak in a thok, curuangah hihi Sabbath thawhsalnak a si; A rak thawhsal ni kha Cawlhni kim hlan deuh ah a si. An phun tikcu khal kha nitlak hlan ah a siih leilung ah an rak simcia bangin ni thum sung a um hnu ah a ni thumnak ah a tholeh sal, cucu Zarhte ni ah a si.
[13.76]
Simcianak Thu A Kim
Kan simcia zo bangin Jesuh hin thil um dan ding zaten a thei cia thluh. Hi kan sim mi pawl khal hi Amai rak simcia mi Jonah thu thawn pehpar in a diknak kan tarlang a si. Hrekkhat Bible thiam pawl ih sim dan ahcun leilung sungah khan tikcu malte sung lole nikhat leh a hrek hrawng fang lawng an phum titu tla an um.
[13.77]
Ziangkhal a sile hi thuhla hi Pathian vancung mi pawl in a danglam deuh in in sim. Vancung mi cun hi tin a ti, Anih cu hinah a um nawn lo; A thosal zo a ti. A sim mi vekin, ni khat leh hrek ah khan rak tho ta riai sehla cu A rak sim zo vekin a tho lo ding tinak a si.
Matthai 28:6
6. Hinah a um lo, a rak sim cia bangtukin a thihnak ih sin thawh ter sal a si zo. An phumnak hmun hi ra zoh hnik uh.
[13.78]
Jesuh kha leilung ah ni thum leh zanthum a um timi simfiangnak petu leh cu dungthluntu Paul a si.
I Korin 15:3-4
3. Ka pomngah mi a tu nan hnenah a thupi bik ti ah ka phuan sin mi cu hitin a si: Ca Thianghlim sungah ngan in a um vekin- Khrih cu kan sualnak ruangah a thi;
4. An phum ih, Ca Thianghlim sungah ngan in a um vekin ni thum hnu ah thawhter sal a si.
[13.79]
Khrih ih thihnak leh phumnak hi an thu buainak ruangah silo in Ca Thianghlim vekin a si sawn. Leilung sungih a umnak can cu Zarhte ni khua a thim hlan deuh ih a rak thok zo vekin, thlan sungah ni thum sung an phum hnu ah a thosal a si.
[13.80]
Dan Vekih An Thah Ni
Hitawk ah hin Jesuh Khrih an rak khenbeh ni kha cu ol ai tei ruah a theih. Sabbath ni (Zarhte ni) nitlak hnu ih a thawhsal a sile, ni thum sung an phum fawn si ahcun Nilai sun zanlam nazi (3) hnu nazi pakua a umlai tinak a si. Curuangah a taksa kha Nilai sunhnu nazi (3) leh nitlak zawngah an phum ih Nilai ni, Nilai Thawhtan ni, leh Zirtawp zan (zan thum sung) tiang zanthum sung an phum. Cunah cun Nilai Thawhtan ni, Zirtawp ni leh Zarhte ni kulh sung (ni thum) kha Jonah thu a rak simcia mi vekin a rung famkim.
[13.81]
Sabbath Hi Ziangha A Si?
Jesuh Khrih khenbeh a si hlan ni khan Sabbath ni a rak thok tin mi tampi in kan ti men thei. An ruahnak hi lenglam thil bangnak nei hmansehla Jesuh kha Zirtawp ni ah an rak khengbet ih Sabbath ni an timi kha zarh tin hman mi colhni kha a si, cumi cu- Zirtawp nitlak ihsin Zarhte ni tiang khi a si. Hiti ih pomnak hi a dik mi a si.
[13.82]
Jesuh an rak khenbeh ni kha tilamawk ni an ti ih thuthang tha bu li pawl khal in an pompi ve. Nilai ni kha timlam ni rak si ta bang sehla cu cui ni a thlen hlanah Sabbath hman a tul ding, a sinan khui mi Sabbath ha a si ding? Hi Sabbath ni cu lantak puai hrang timlamawk ni a si, cui Sabbath ni cu a thupi ce ni a si.
Johan 19:14
14. Lantak Puai ding ni khat a duh lai ni a siih sunlai hrawng a si. Pilat in mipi pawl cu "Nan Siangpahrang hi zoh hnik uh!" a ti.
Johan 19:31
31. Cule Judah mi hotu pawl cu Pilat hnenah an feh ih thinglamtah parih an thah mi pawl ih ke khiak dingah le an ruak pawl la dingah an va dil. An dil ni cu Zirtawp ni a si, ziangruangah an dil tile an thah mi ruak pawl cu Sabbath ni ah thinglamtah parih an thlai awk hrih ding kha an duh lo; cui Sabbath cu a thianghlim ce mi a si fawn.
[13.83]
Judah mi zokhal in hi ni hleice theilo an um lo. Kumtin Sabbath ni khal an thei thluh, thimnak ah- colhnak ni lole puai ni ti pawl hi zate theih thluh a si. Cu pawl tla cu:
Lantak puai Passover
[13.84]
Hi an colhnak ni (Sabbath) hi kum tin an nithla siarnak ahcun an tel ringring ko nan kumtin in a tikcu can an bangaw theilo, Khrismass ni kan tuah vek khi a si. December thla ni kul hluan nga ni (25) ah Khrismass cu kan tuah ringring ko nan tui kum Thawhtan ni ih kan tuah a sile hmai kum cu Nilai ni lole Nilai Thawhtan ni ah kan tuah vek khin a si. Hebrai pawlih Ni Hleice Sabbath ni an ti ih a hnuailam ih Bible cang ah kan zohthim hnik kei uh: Pui. 23:24, 16:31, 23:39, 23:26-32.
Matthai 26:2
2. Nan theih vekin tui hnu ni hnih ah Lantak Puai a si dingih Mi Fapa cu thinglamtah parih khehcih dingah pek a si ding, ti ah a ti.
[13.85]
A tlun ih bungcang pawl hi na siarsuak dah maw, cunah Jesuh kha Lantak puai ni ah an khengbet ti na hmu ding.
[13.86]
Lantak Puai
Hi lantak puai cu Israel fate pawl Izip ram ih neksawrnak le sal ih an tannak ihsin an luat can kha cin ringring ding hrangah a si. A hmuhsak duh mi cu kan thuanthu ih sualnak sal ih kan rak tannak sung ihsin Pathian Tufano thisen ih in runsuaknak kha a hmuhsak a si, thimnak ah- Fapa neihsun Jesuh kha. A hmuhsak tu hi Israel fate pawl ih an sangka biangih tuu thisen an rak hnihnak khan a si. Cui an hnih mi thisen ih thathnemnak cu thihnak run phurtu vancung min an lan hai ih an sungkua in thihnak ihsin an luat, cucun kumkhua kan thihnak ihsin Khrih thisen ih in tlennak kha a hmuhsak a si.
[13.87]
Hi cabu ih a pek mi ni thla hi hminsin aw:
Mipumsiarnak 28:16-17
16. BAWIPAI upat cawimawinak ih tuah mi Lantak Puai cu thla hmaisabik ni hleili ni ah tuah a si pei.
17. Ni hleinga ni ihsin biaknak puai a thok pei ih ni sarih sung a si pei. Cui sung hmuahhmuah cu thilnu tel lo sang nan ei pei.
[13.88]
Hi Lantak tuu hi kum thoknak thla hmaisabik ah an that theu ih Abib (Nisan thla ti tlan an ko) thla ah puai an tuah ih hihi Judah pawl ih kum thok thla hmaisabik a si.
[13.89]
Khrih Hi Kan Lantak A Si!
I Korin 5:7
7. A thiangfai mi si dingah nan lakih thilnu hlun sualnak cu hlon theh uh. Cuti cun thilnu tel lo mi rawh thar sanghlom ah nan cang ding; nannih thilnu tello sanghlom nan si ti ka thei. Kan Lantak Puai tufa a si mi Khrih cu raithawinak ih pek a si zo hrangah kan Lantak Puai cu a thok zo a si.
[13.90]
Pathian Tufano himtliang, Fapa neihsun cu Lantak Puai ah thah a rak si. Rom mi pawl in Abib thla ni (14) ni ah an rak that. Hi Lantak puai hi puai an tuah hlan in timlam cia a siih kum tin in an ni hleice, colhnak ni, lole Sabbath a siih Abib thla ni (15) ni ih tuah mi puai a si. Hi ni cu zarhkar tin a rungthleng ding a sinan ni thla siarnak ahcun an bangaw ringring, thimnak ah- Abib thla ni hlei nga ni tivek in.
[13.91]
Hminsin: Timlam awk ni an timi cu Lantak Puai hrangih tilamawknak a si. Lantak Puai lole Sabbath nipi cu a hnuailam ih tikcu can ah hman a si.
[13.92]
Hebrai pawlih thla siar thoknak kha A.D. sawmthum Jesuh thih khan a rak thok ih, Lantak Puaipi cu Nilai sunah Sabbath Puai thawn an rak tuah ih, Ni Hleice an ti, nitlak in an thok ih Nilai Thawhtan sun in, ni a tlak thlengin an peh vivo. Curuangah, Jesuh an rak khenbeh zarhkar ah khan Sabbath ni veihnih an hmang tinak a si, ni hleice Lantak Puaipi leh zarhtin ulh mi colhnak ni Sabbath an rak ul ih cucu Zirtawp ni a suah ihsin Zarhte sun ni a tlak tiangin an rak ul.
[13.93]
Zapi Soiselnak
Hi zirtirnak dik hi thiam takih run dotu cun Marka 16:9 thu run hmangin thawhlehnak ni hi Colhni a si an ti.
Marka 16:9
9. Zarhpi ni ah thihnak ihsin Jesuh a thawh hnu ah a hmaisabik ah Mari Magdalin hnenah a lang; Mari Magdalin cu a sung ihsin khuavang pa sarih a dawisuak mi nunau kha a si.
[13.94]
Mari Magdalin kha thlan ih a va feh ih Jesuh a rak thawhnak kha zarhkhat ih a ni hmaisabik zingpit te ah silo in, cunah cun- a rak tho zo. A mizan Zarhte zan zanlam ah a rak tho zo, curuangah khanah cun a rak tho tuk zo.
[13.95]
Hmundang Luka cabu sung khalah buaithlak zet kan hmu leh thei.
Luka 24:21
21. Cule amah cu Israel mi tlentu a si ding, ti ah ruahsannak kan rak neih zet mi a si. Cuitlunah cubangtuk thil a can hnu tui ni hi a ni thumnak ni a si.
[13.96]
Hi thu hi thaten hminsin aw, hibang pawl tlunah, tui ni hi a ni thumnak ni a si. Ziang thil pawl ha a sim duh? Khabang pawl timi ah khan a hlan ih ni thum sungih thil rak cang mi zaten a huap thluh.
[13.97]
Hi bang pawl hi an telcih:
[13.98]
Khai thil rak cang mi pawl kan timi ah khan a tlun ih ta pawl an tel thluh ih ..a khui mi bik ni ah ha thlankhar kha an rak hminsin, Nilai Thawhtan ni ihsin a si maw? Asi ko, hi ni hi Colhni zarhkhat ih a ni hmaisabik ni kha a si ding. Colhni hi Nilai ni ihsin a ni thumnak a silo ih Zirtawp ni khalin a ni thumnak ni a si cuanglo. Hi thu hi thlanka an hminsin lai hlanlo cu thu peh aw a siih thlanka hminsinnak kha thinglamtah ih khenbeh hnu a thaisun lawngah hminsin a rak si fawn, thimnak ah hi ni hi Nilai Thawhtan ni a si.
Matthai 27:62-66
62. A thaisun Sabbath ni ah puithiam upa le Farasi pawlin Pilat an tong ih,
63. Bawipa, hi thuphan pertu pa hin a nun lai ah ni thum hnu ah ka thosal ding, ti ah a rak ti.
64. Curuangah a thlan kha tha te in nithum ni tiang kilter aw; cu lole a dungthluntu pawl in a ruak kha an fir pei ih mi senpi pawl kha thihnak ihsin a thosal zo a si, ti ah an bum ding. Hi neta bumnak hi hmaisa bumnak hnakin a poimawh sawn ding a si, ti ah an ti.
65. Pilat cun, A kiltu Rom ralkap pawl ret uhla thlan kha a him theitawk in tuah uh, ti ah a ti.
66. Curuangah an feh ih thlan cu a him theitawk in an tuah; thlankhar lungpheng kha tacik an khen ih a lengin tha zetin an kilter.
[13.99]
A Dang Pakhat A Um Lai
Mari Magdalin leh a rualpi pawl khan Jesuh ruak culhnak ding rimthaw kha Sabbath ni a liam hlan ahcun zianghman an tawlrel thei lo.
Marka 16:1
1. Sabbath ni a cem hnu ah Mari Magdalin, Jeim ih nu Mari leh Salome in Jesuh ruak va culh dingah zihmui an lei.
[13.100]
Luka ih sim mi vekin an timtuah mi thil rimthaw pawl kha Sabbath ni ah an colh san.
Luka 23:56
56. Cule an inn ah an kir ih Jesuh ruak culh dingah rimhmui le zihmui pawl an ngaituah. Sabbath ni ahcun an dan ih a fial vekin an cawl.
[13.101]
Kan Zoh Kirsal Kei Uh
Luka 24:1
1. Nipi ni zingthlapit ah nunau pawl cu an timtuah cia mi rimhmui pawl cu an kengih thlan ah an feh.
[13.102]
Hi thil hi a tlun ih ta lawngin simfiangnak a um, cucu Zarhkhat sungah khan Sabbath veihnih an rak hmang a si. Kum tin an hman mi Lantak Puai ni Sabbath an hman thluh in thilnu rawi lo sang puai kha Nilai Thawhtan ni ah an tuah ih, Mary leh a rualpi pawl khan zihmui leh rimthaw kha Zirtawp sunah an timtuah ih, cun zarhtin Sabbath ni ( Zirtawp nitlak ihsin Zarhte nitlak tiang) kha dan vekin an ul ih an cawl hai!
Suahlannak 20:8-10
8. Colhni cu ul auhla thiangter uh.
9. Ni ruk sungah nan hna hmuahhmuah nan tuan pei ih,
10. Ni sarih ni cu colhni a siih Bawipa nan Pathian hrangih ni a si. Cui ni ahcun hna an tuan lo pei; nanmah siseh, nan fate pawl siseh, nan sal pawl, nan tilva pawl leh nan khawsungih a ra um mi miphun dang pawl khal siseh hna an tuan lo pei.
[13.103]
Hi zarhkar khat Zirtawp ni leh a hmaikar Zirtawp ni karlak ahhin Sabbath ni voihnih a um thu hi Bible cang pawlin in sim (M.k 16:1 leh Lk. 23:56).
[13.104]
Pathian hin ziang ha a tumtah timi a sim ih, a simduh mi pawl cu a phuangsuak, A thutak, leh a thu mangbang za a si thu tla a sim. Jesuh in milai pawl hnenah Messiah diktak a sinak thu kha Jonah thu khan simfiangnak a rak pe, cucu leilung sungah ni thum leh zan thum a umnak ding thu simnak a si.
[13.105]
Lalpa Jesuh leh dungthlun pawl khan a thla khatnak Abib thla ni hleili ni zanlam ah Lantak Puai an timlamnak thu kha Bible cang dangin in sim. Hi an timtuah zan ngei ahhin phatsan a tongih cui ni cu timtuahnak ni an ti. Lantak Puai timi Sabbath ni cu timtuah ni ti a si ziangahtile hi ni cu Lantak Puai hlan ih tuah mi a si ruangah a si, tuu sa kha an rawh ih an ei hlan ni a siih Abib thla ni hlei nga ni a si, cui ni ah thlan ka khar khal tacik an khen.
Puithiam Hnatuannak 23:5-8
5 Lantak puai, BAWIPA cawimawinak ih tuah mi puai cu thla hmaisabik ih ni hlei li ni zanlam nitlak ihsin a thok.
6 Ni hlei nga ni in thilnu tel lo sang puai a thok ih ni sarih sung cu thilnu thawn tuah mi sang nan ei lo pei.
7 Puai sungih a ni khatnak ah Pathian be dingah nan khawm aw pei ih nan hnatuan zianghman nan tuan lo pei.
8 Nan rawlhun thawinak cu BAWIPAI hnenah ni sarih sung nan pe pei. A ni sarihnak ah Pathian be dingah nan tongkhawm aw lala pei ih nan hnatuan zianghman nan tuan lo pei.
[13.106]
Hi thu hi Jesuh le a thluntu pawlih Thilnu tel lo Puai an rak hmannak in a thok ih cui Lantak Puai ahcun Timlam Ni khal a telcih, hmankel mi puai hlan ih timlam mi ni a Thuanthu vek ciah ih hman mi Lantak Puai ni cu Abib thla ni hleili ni a siih cui ni ah Amah an rak khenbeh.
Johan 13:1-3
1 Lantak Puai ni a thlennak ding ni khat lawng a duh thlang. Jesuh in hi leilung fehsan ih a
Pai hnen ih fehnak tikcu a ra thleng zo ti kha a thei. Leilung tlun ih a um mi amai ta a si mi
pawl cu a duhdawt zet ringringih a netnak tiang a duhdawt zet.
2 Jesuh leh a dungthluntu pawl cu zanriah an hil tlang. Setan in Jesuh zuarnak ding ruahn
ak cu Simon Iskariot ih fapa Judas ih thinlung sungah a um ter zo.
3 Ka Pa in thuneihnak hmuahhmuah kha i pe zo ti kha Jesuh in a thei; Pathian hnen ihsin
ka ra ih Pathian hnenah ka fehsal ding ti tla a thei.
[13:107]
Hminsin: A tlunih kan tarlan mi Jesuh le dungthluntu pawl puai an hman ni kha Lantak puai
zanriah an ei hnu, an dan ih hman ringring mi Lantak puai Colh ni hlan ah a si. Jn. 13:1 tha
whnak, Tu ah Puai ni hlanah ti leh Johan 13:2 ih tongfang hmaisabik, Cun zanriah an ei
thluh hnu in timi tongfang pawl hi ruattha sal aw.
[13.108]
Thilnu tello Puai kha Hmanhmawh puai ti tla in an ko ih; Moses le Israel fate pawl khan Izip
ram ihsin an rak suah lai ah khan hmanhmawh takih an rak cangvai a si. Cuvekin Jesuh k
hal in a run tuah ve. Hebrai pawl ih ni khat ni ah, cuitlunah an than vivo ih Thawhleh ni tlak i
hsin Nilai ni tlak tiang, thil ziangkim kha hmanhmawh zetin an rak cangvai; a hrekkhat pawl
hi kan ngaihtuah kei uh.
[13.109]
[13.110]
Hi a tlunih thilthleng pawl hi nazi kul hluanli sungah an rak tuah thluh viarviar. Cui ni cu Lant
ak Puai in an pehcih hngalh ih hi ni ah cun an sal tiangin zohman hnatuan khal sian an si lo
. Curuangah Josef le Nicodemus hin Jesuh Khrih ih ruang kha a zamrang theibik ih an lak
a tul ih Lantak puai ni hlanah thlan ah an phum lohli a tul, thimnak ah- Abib thla ni 15 ah.
Mipum Siarnak 28:16-19
16. BAWIPA upat cawimawinak ih tuah mi leh Lantak puai cu thla hmaisabik ni hleili ni ah t
uah a si pei.
17. Ni hlei nga ni ihsin biaknak puai a thok pei ih ni sarih sung a si pei. Cui sung hmuahhm
uah cu thilnu tel lo sang nan ei pei.
18. Puai ni hmaisabik ni ahcun ziang hna hman nan tuan lo pei. Pathian biaknak ah nan pu
m sawn pei.
19. Mei ur thawinak pek uhla cumi cu BAWIPA hnen ih pek mi rawlhun thawinak a si pei; c
aw cangte pahnih, tucang pakhat, kum khat ti tucang te pasarih, an zaten raitluan nan pek
pei.
[13.111]
Hminsin aw: Abib thla ih a ni hleili ni cu Lalpai hrang Lantak puai ti a sinan Lantak Sabb
ath cu a ni hleinga ni in a thok ih tuu sa rawh puai a siih an zaten nikhat ah an tuu sa cu ei t
hluh ding a si, a sinan ni sarih kulh sung ei ding a siih, cangkha hnah leh thilnu telh lo sa
ng thawn a ni netabik tiang ei ding a si. A ni khatnak cu, - Abib thla ni 15 a si ih a ni neta bi
k cu Sabbath ni vekin urhsun tak ih hman ding a si. Ka non sal le ding, a ni 14 ni kha cu Lal
pai Lantak ni a siih Sabbath ni vek ih hman a silo, a sinan a thaisun cun, thimnak ah- Abib
thla ih ni 15 ni cun Sabbath ni vekin an ul ih a ni sarih ni ah Lantak Puai an hmang.
[13.112]
Lantak puai hi phunhnih in an tuah. A hmaisa an ulh lai ah an tuah ding mi cu Lantak puai
hrang tuu thah ding a siih a thisen an hmangih, hihi Abib thla ih a ni 14 sunah a siih cui an
tuu sa cu an rawh ih cangkha hnah leh thilnu tel lo sang thawn an ei cih; zianghman tan thi
ang a si lo. Cutheh hnu ah a ni 15 ni in an peh lan.
[13.113]
Abib thla ni 14 thu hi thlarau lamih hmuhsaknak thawn zangfah ten ruat hman: Jesuh Khrih
cu kan Lantak tufa no a si (I Kor. 5:7).
Suahlannak 12:3-8
3. Cuhrangah Israel mi burpi hnenah; tui thla ni hranak ni ah mipa hmuahhmuah in an insa
ng hrang ciar ah, insang pakhat ah tunote a silole me note pakhat ciar hril hai seh.
4. Insang pakhat in an tilva thah mi an ei theilo ding a sile an minung zat zoh in an inn hnen
te thawn tilva pakhat tawm aw hai seh. Minung ziangzat an um tile ziangzat ciar an ei thei
ding ti zoh in a man khal zul hai seh.
5. A tilva cu a him raitluan a si pei ih, a pa kum thum ti a si pei. Tu a si lole me an hril pei.
6. A cui thla ni hleili tiang an ret pei ih a ni hleili zanlam ah Israel mi zaten an tilva cu an that
pei.
7. Cun a thisen hrekkhat cu an lak pei ih a cui sa an einak ding inn a sangka tunrel leh a sa
ngka tlunah an hnih pei.
8. Zan ah a cui sa cu meisa parah an em pei ih thilnu tel lo sang le cangkha thawn an ei p
ei.
[13.114]
Marka 14:12 leh Luka 22:7 hin ca siartu pawl in khihhmuh duhdan cu, thlirnak hmunkhat la
wng hi cun a tlamtlin lo thu leh cuti sisehla cu Jesuh le a thluntu pawl leh midang pawl tla h
in dan le dun vek men in Lantak puai tla an rak hmangsual pang ding. Kan cin ringring din
g mi cu Pathian in Abib thla 15 ni kha amah hngilhlonak ni ih hmang ringring dingah a rak r
uatcia ni a si.
[13.115]
Jesuh in Lantak puai a hman vek khan Israel fate pawl cun a tir in Izip ram an um lai ihsin a
n rak ul ringring. Lantak tu fano cu an that ih, a cui ni ahcun a sa an rawh ih an ei, thimnak
ah-Abib thla ni 14 ni (Suah.12:3-8 tlun lam tiang).Hiti an tuahnak cu Jesuh hin a thawiawkn
ak ihsin Lantak hmuahhmuah a ti thianghlim vekin an rak thawinak khal khan sal sung ihsin
a rak hruaisuak.
[13.116]
Jesuh Khrih in kan sualnak le thihnak ihsin a thisen in Abib thla ni hleili ni ah thawinak a rak
tuah ih kan thinlung sangka ah a thisen in in tat sak. A thuanthu in rak hmuhsaktu cu Mos
es leh Israel fate pawl an siih a run ti famkimtu cu himtliang Pathian ih Tu fano a si.