KAWHHRAN HMUHSUAH
Hminsin: Cangantui dinhmun theifiang dingin, Casiartu Hnenah timi hi siar hmaisa aw.
[17.1]
Kawhhran Ka Ti Tikah
Kawhhranti ka sal tikah hin ka thinlung ahhin ziang a lang theu? Nang teh na thinlung in na thlirthla dah ve maw? Rialno bal mi, biakinn sungih tohkham sau tlar pawl, thusimnak lole Zarhpi zing ih tonawknak tivek pawl ah hi an rung langsuak theu. Kawhhran thuhla simfiangnak ahhin, Greek tong, Ekklesia timi ih ra suak mi tongfang a siih a lengih kawhsuah tinak a si.
II Korin. 6:17-18 sungah Paul in hitin a rak ngan:"Cule Bawipa in: Annih pawl tlansan uhla, an hnen ihsin tlansan uh. A thiang lo mi cu a dai in dai hlah uh, cuti cun ka lo cohlang hai ding. Kei cu nan Pa ka si dingih nannih cu ka fanu le ka fapa tla nan si ding; ti ah Cungnungbik Bawipa in a ti, ti ah a ti.
[17.2]
Zawi hnen in sawm kan tlansuah ding? Hi thusuhnak cu Johan 17:16, sungah Jesuh in hitin a sang, Keimah rori hman leitlun mi ka si lo ahcun annih khal hi lei mi an si ve lo.Hi leitlung thil pawl cu milai tuahcop mi hlir an siih; Pathian ih ta cu Pathian tuah mi an si. Hi Thuthlung Thar kawhhran hi Jesuh leh a dungthluntu pawl in an duhdan vekih rak din mi a si. A dang pawl hi cu a lemte an siih milai ih din mi lawnglawng an si curuangah leitlun ta an si.
[17.3]
A Kawhhran Ihsin Kanmai Kawhhran Ah
A duhdaw aw mi kawhhran dungthlun pawlih rak din mi kawhhran vek ihsin uanthuan pi tlak zet kawhhran lem leh a thendarh aw mi kawhhran hi ziangtin ha ol ai tei kan co ve thei ding, ih tulai ah kan hmuh thei ve ding? Ziangtin a si pei? An zirhternak thu pawl thlun duh lo nak le dungthlun pawl ih zirhdan kha nunphung lam zawngih an zirhnak thlun lonak hi a si bik mai. Hi zirhternak diklo le profet deu pawl le an zirhtu pawl ih zirhnak ngaisaknak hin a netnak ahcun mai hmatang lawng ruahnak, le kawhhran sual ah mi a hruailut thei a si.
Dungthluntu 2:46
46.Nikhat hnu nikhat Biakinn sungah an tongkhawm aw; an inn ah rawl an tawmaw ih tangdornak le lungawi thanuam in an ei tlang.
II Thesalon 2:15
15.Cuti a si ruangah u le nau tla, kan thusim mi in siseh, nan hnenih kan ca kuat mi in siseh, kan lo zirh mi thudik pawl cu kai hnget uhla khohzet in ding uh.
II Piter 2:1
1. Curuangah thatlonak hmuahhmuah cu hlon theh thlang uh; thuphanper nawn hlah uh; titeraw nawn hlah uh; hmuhsuamnak tong hmang nawn hlah uh.
I Timote 4:1, 2
1. Ni netnak can ahcun mihrek in khrihfa zumnak hi an tan ding; bumtu thlarau na zum dingih, khawsia ih zirhnak an thlun ding, ti ah fiangten Thlarau in a sim. 2. Cubangtuk zirhnak cu thuphan per mibum thiam pawlin an zaiter. Annih cu thirling ih holhkang mi bangin a sia le a tha thleidan thiamnak thinlung a thi mi an si.
II Timote 3:1-5
1. Ni neta lam ahcun harsat can tampi a thleng ding ti kha cing ringring aw. 2. Mi tampi an tirh a fak ding, an hamtam dingih an hngal an puarthau ding. Mi an hmuhsuam ding, an nu le an pa ih thu khal an el ding, lungawi hna an thiam lo dingih biaknak khal ziangah an siar lo ding. 3. Mi zangfah an thiam lo ding, zangfah thinpem ti an thei lo ding, mi thawi le mi velh duh an si dingih tihnung za an si ding. A tha mi an hua ding. 4. Mi zuarthlai leh phiar hmang an si dingih zawnruahnak an nei lo ding; zumawknak in an puarthau dingih Pathian hnakin an taksa nomnak an duh sawn ding. 5. Kan biaknak hi a lenglam cun an pom ding; a sinan a sunglam ih a cahnak hmual ngaingai cu an hnong ding.
I Johan 4:1
1.Ka duhdawt mi tla, Thlarau ka nei a timi poh va zum hlah uh. An neih mi thlarau cu Pathian hnen ihsin a ra mi a si maw silo ti ah hniksak hmaisa uh. Ziangahtile profet diklo pawl khua zakip ah an thleng ding.
[17.4]
A Thasawn Mi Ruahnak Mi pakhat hin ziangtinso Pathian tlamtlinnak kha a zum thei ding? Kannih cun uangthuang takin kan zumnak in Khrih ai ih tha sawn in kawhhran tla kan din tum theu. A pakhatnak ah, kan theih ding mi cu thil hi kanni thlakthleng ding mi a silo; kanni ta khal a silo; A thisen sunglawi Kalvari tlangih thlet mi thisen himtliang ih lei mi a si. Cui thuneihnak co ve ding ahcun mi pakhat hin Khrih ai in a fim sawn lo ti a zum a tul a si.
I Korin 1:25-26
25. Ziangahtile Pathian ih atnak a bang mi cu minung ih fimnak hnakin a fim sawn; cule Pathian ih tontaihnak a bang mi cu minung ih cahnak hnakin a cak sawn. 26. Ka u le ka nau tla, Pathian in a lo kawh laiah khan ziangbangtuk kan si, ti kha cing ringring uh. Milai mit ih kan zoh ahcun mifim le thil tithei le hmaizah tlak cu mi mal ngaingai nan si.
[17.5]
Ziangtivek in pum ap aw theilo in leh uanthuan nak sihmanseh, ruahnak khalah zianghman tih ding a um lo. Minung cu siatral khal seh Khrih cu a dingfel, curuangah Khrih ih din mi kawhhran ahcun kan tlam a tling ti kan thei fel a si. Thuthlung Thar kawhhran ahhin thuneihnak pek ce mi kan um cuang maw? Zohman kan um lo.Kan um lellel lo. Dungthluntu Paul cun Profet Isaiah ih aw-khawk riangro kha hitin a rak ngan:
Dungthluntu 7:48-50 48 A sinan Cungnungbik Pathian cu minung kut ih tuah mi inn sungah a um lo; Profet pawl in hitin an sim: 49 Vancung hi ka tohkham a siih leilung hi ka kepal a si, ti ah Bawipa in a ti. Ka hrangah ziangbangtuk inn so sak nan tum? Ka um duhnak hmun cu khuitawk so a si? 50 Hi thil hmuahhmuah a tuahtu hi keimah ka silo maw? ti ah a ti.
[17.6]
Company tuahtu pawlin, kannih cun a tha deuh mi ruahnak kan nei ti ih an au aw vek hi kan au aw a si ve ding a si. Hlawhtling kan ti awknak pawl hi Khrih ih kawhhran ihsin kan mai kawhhran ih thlakthlengnak hi a si theu. Tu ahcun ziang kan thei a tul tile Khrih hin kan kawhhran sungah rungtum dingin thu in kam dah lo ti hi a si. Amai kawhhran hrang lawngah a rung tumsal leh ding ti lawng thu in kam.
[17.7]
A Thendarh Aw Zomi Insang Do awknak, nasa takih tawh awknak le thenthek awknak pawl hi tuisan mei ih thok duak mi an silo. Rom acozah pi Siangpahrang Constantine san canreh (dark ages) kan timi cin ih thok khal a si cuang lo. Ziangtik in a rak thok tile, kum zabi pakhatnak, dungthlun pawl san ih rak um thok mi a si. Thuthlung Thar Bible ngannak cati hman a hul man hlanah, ralpa Setan cun thennak dar kha kawhhran sungah a rak tum zo ih Pawl dangdang rung suahnak hi a si.
I.Korin1:10-13
10. Ka u le ka nau tla, nan lakih thentheknak a um lonak dingah nan thinlung rual aw te in um hram uh ti ah kan Bawipa Jesuh Khrih hmin in ka lo dil a si. Rualrem zetin, thinlung khat le tumtahnak bangrep in um uh.
11. Ka u le ka nau tla, nan lakah tawh awknak a um ringring ti kha Khalaw ih sungkhat pawlin fiangte in in sim. 12. Ka simduh mi cu, mi hrekkhat in, kannin cu Paul ih dungthlun kan si, nan ti; mi hrekkhat in kannih cu Apollos ih dungthlun kan si, nan ti; mi hrekkhat in kannih cu Piter ih dungthlun kan si, nan ti; mi hrekkhat in kannih cu, Khrih ih dungthlun kan si, ti ah a dangdang ciar ih nan timi hi a si. 13. Khrih cu thenthek awmi a si maw? Nan hrangah thinglamtah parih an thah mi cu Paul maw a si? Paul hmin in maw ti nan hnim?
Tahthimnak Hrekkhat Pawl:
Judas 4
4. Ziangahtile kan lakah Pathian ziangih a siarlo tu pawl kan theih lo in an lut ih an ziaza thalo mi huhphen nakah Pathian zangfahnak thuthang kha a pingpeng in an sim ih kan hrangah Bawi le Lal a si mi Jesuh Khrih kha an hnong. Hibangtuk minung cu siatralnak an ton hlanlai ihsin a rak simcia zo.
I Johan 2:18-19
18. Ka fa le pawl, ni netnak can a nai zo. Khrih ih Ral a ra ding ti nan thei; a tu ah Khrih ih ral tampi an lang zo ih curuangah ni netnak can a nai zo ti kan thei.
19. Himi pawl hi kanmai mi ngaingai an si lo ruangah in tlansan a si. Kanmai sungih a tel mi taktak si hai sehla in pawl ringring ko ding. Hiti ih in suahsannak cu zohman hi kan pawl sungih minung ngaingai an rak silo ti a langter a si.
[17.8]
Jesuh Khrih khan a dungthluntu pawl kha pumkhat si hai dingin thla a cam hai (Jn. 17:21), a sinan Pathian ih mi thianghlim an hminih a kawh mi pawl lakah minung phuahcop kawhhran thentheknak cu a rung um vivo lanta a si.
[17.9]
Matthai 12:25, sungah Jesuh in, "Khui ram khal sisehla then aw ih mah le mah a do aw mi cu reipi an awk lo ding. Cun khua siseh, insang siseh, then aw ih mah le mah a do aw mi cu an tekdarh thluh ding a si" ti ah a ti. Ka u le ka nau tla, kannih cu harsatnak can ih dingtu kan si; kan ralpa hin dolh tum in mi a bawh ring ring (I Piter 5:8). A pakhatnak ah Jesuh Khrih hi kan neih taktak ding si kher cuanglo in kan runtu ahcun pom dingin in thlem ih in bum ringring a si. Cu theh hnu ah milai kut ih tuah mi biakinn ih kan um tik ahcun kawhhran hngetek kan si tin in theih awk ter lehsal a si lole minung ruahnak ih din mi kawhhran thu ngaihtuah dingih pawl thenkhat tla in ngaihtuah suakter ih cutin milai din mi kawhhran ah kan cangsual ta a si. A pawl zawngih tanlaknak hi cu kuaidarh nak sawn a si. Cuvek mi cun kehkuai ding an hngak a si mai. An thinlung sungin, An lam le kan lam ti in an ruat ringring a si. Minung ruahnak in thurin a tuahsuak ih cumi cun mi a uk ih thihnak kha theithiam lo in hngettak in mi a pawk ter ringring a si.
[17.10]
Khrihfa kan sinak ahhin a sunglawi mi thutak kan zumnak hi kan thleng dah maw? Kan zate deuhthaw hin kan si cio ko ding. A sile kawhhan thurin thlakthleng teh na hmu dah maw?Kei cun ka hmu hrih ta lo. Kawhhran hrek le cun tlawng le zirhawknak tivek tla an dinsuak ciamco hai ih rosiah thuthlung timi dan kha san khat hnu san khat an kengkawh vivo. Kawhhran cun a minung pawl ticak tu dingah tuanvo a nei ih cucu Pathian pek mi hnatuannak ding hrangah a siih ziangruangah Pathian hin kawhhran kha dungthluntu pawl, profet pawl, thuthang tha simtu pawl, pastor pawl leh saza pawl a rak pek (Efes. 4:11-12) kan ti a si ah cun hibang pawl ruangah a si. Bible vekin kawhhran ahhin thil thuahthum in kan hmu thei. Kawhhran hi a pumpi in pawlkhat vekin kan hmu dingih, cunah cun rundamnak ngah zo pawl, ngah rero lai pawl, ngah lai ding pawl kan zaten kan tel thluh a si. Dungthluntu pawl cun kawhhran kha taksa pumkhat bangin an rak langter hai a si. Taksa pumkhat ciar hin khawpi, khawte pawl kha kum zabi khatnak ahcun an rak hmuhsak hai ih cui hmun ihsin Rom khaw pawl hnenah siseh, Korin khua le Efesa khua pawl ah siseh tivek in ca an rak kuat ciamco. A netnak ahcun kannih tiang hi hmun tintian ah khawpi khawte ah insang kawhhran in kan rung ding vivo ih; cucu kawhhran kan ti aw aw, ziang thawn an bangaw tile Aquilla, Nymphes lole Archippus (Rom 16:5; I Kor. 16:19; Kol. 4:15; Filemon 2) tei inn pawlih an biak khawmnak vek kha a si.
[17.11]
Kawhhran lole Ekklesia kan timi cun Jesuh Khrih ih taksa kha a sawhkhih duh (I Kor. 12:27). Zomkhawm awknak kan timi hi bulpak cio in member khat kan si cio ih taksa ruangpi parah (Rom 12:5) kan zom aw thluh. Bulpak kan zate hin member kan si cio ruangah kan zomawknak hmun khal khi kan taksa peng pakhat vek a si. Ziangruangah taksa ruangpi hi a tul sawnnak? Ziangah zomawknak hman tul sawn lo in? Ziangtin ha an danglam awknak? Taksa ruangpi cu amah ah nunnak a um ih zomkhawmnak cu ukawk dan ih a kaihruai aw mi amah te nunnak neilo mi a si. Cui zomkhawmnak cu thuneihnak thawn mi tampi umkhawm a siih amai sungin silon a lenglam in uktu lu an um.
[17.12]
Taksa dinawk dan hi Webster Dictionary cun hitin a sim: Taksa hi thil tampi kom aw khawm mi pehtlai aw thluh mi a si, a sinan mahte ding cio ih ramri nei mi mah le mil mi vekih her mi leh nasa te ih thuruat tu cu an zaten an si thluh. Jesuh leh a dungthlun pawlin an rak din mi leh a duh mi kawhhran cu hitivek taksa pum dinhmun vek hi a siih zomawknak men fang leh hmunkhat ih tuantlangnak lawng hi a silo.
[17.13]
Pawl Kawhhran Pawl kawhhran kan timi hi zomkhawm awknak a siih taksa pianhmang vek cu a silo; ziangahtile a sungah nunnak a um lo.Tuan khawmnak lole company tivek ih kawh mi khi a si.
A. A tlangpi thu-parih tawlreknak B. Milai -tuahmi dan thu pawl leh a hlawknak
C. A dan thu pawl thlun dingih forhfialnak
D. Intek pa leh hnatuantu pawlih pehtlaihawknak
E. Remruah thiamnak ruangih sinak khaisannak
F. Eltai ding tumtahnak parih laksawng pawl
G. Hlawhtlinnak tahnak cu tuannak in a si, nehnak leh hlawknak pawl thawn.
[17.14]
Kawhhran khal hi minung taksa vekih lu le thinlung a nei ih insang khat mi bangin an tuan khawmih lu ah theihternak an pe. Cui taksa ruangpi parih um pawl cu an duhdaw aw ngaingai ih cui an duhdawtnak cu ra hniksak dingih harsatnak thlipi nasa ten veihnih khat cu a ra hrang theu. Hi mi ti langsartu bik cu diknak le duhdawtnak an si ih hi hin lungrualnak le thuthlunnak tiangin hlawhtling zetin in tahsuak theu (I Kor.1:10; I John 2:3-4).
[17.15]
Thuneihnak Kan taksa zomawknak ahhin kan hmuhthei mi ah siseh hmuh theilo mi ah siseh kan lu ihsi kilkhawi thluh mi an si. Taksa peng then cio hin lu ih duhnak vekin an thlun a tul, cui taksa pumpi ih lu cu kawhhran thawi bangaw mi a siih, Jesuh Khrih kha lubik a si (Kol. 1:18).
[17.16]
Nunnak Kan ruangpi funkhawm tu cu kan nunnak hi a siih sersiamtu ih siam mi a si, a sinan cui nunnak kan timi cu thimnak ah- a kut le ke tivek pawl ah an tulmi a kuatsak tu cu a dang taksa peng an siih cui taksa peng dang pawl khal an hna an tuan sunzom theinak dingah nunnak (thisen) in a tlaitluan in a khawhsak ringring.
Efesa 4:16 16. Amai uknak thuai ah taksa par ih then dangdang pawl cu remten an pehkhawm aw theh. Hlikhlok ruhcang pawl in taksa pumpi cu hmunkhat ah an khai khawm theh. Curuangah taksa pum parih then dangdang cu anmai hnatuan ding ciar an tuan tikah taksa pumpi cu a zaten duhdawtnak in a thangso a si.
I Korin 12:25-27
25. Cuti cun ruangpum parah thenthek awknak zianghman a um lo; taksa then pakhat le pakhat parah zawnruahnak an nei sawn a si. 26. Taksa then pakhat a tuar ahcun taksa then dang khal in an tuarpi ve. Taksa then pakhat sunloih a ngah ahcun a dang tla in an lungawi pi ve a si. 27. Nan zaten Khrih ih ruangpi nan siih pumpak ciar ih a taksa then nan si fingfing.
[17.17]
Kan taksa hi then tampi a siih kan thahri pakhat cio ih nunnak kha hmunkhat a siih cuisin a tulmi pawl a kuat sawng vivo. Nunnak ih rahsuah nak cu a hngetek ihsin a siih cui hngetek cu a kungpi in a siih cutin a tuldan in an pehzom aw ih a kungpi lole sabit kungpi cu an zawm thluh hai a si. Pantii, piars, lole sunhlu rah, lole a dang rah nei mi thingthei pawl tivek pawl khi an zaten an hngetek in an rah lokmei lo, an kungpi thawi an zomawk dan khi na ruat dah maw? A kungpi lole sabit kungpi khal hi anmahten an rah mai ce lo. A kungpi hin rah a suah lo nan a hngetek fate dang pawl tiangin a tul mi a zemdarh vivo; curuangah a hngetek tebik le a zimte tiangin rah an rah thei thluhnak a si. Johan 5:1-8 sungah Jesuh ih in sim mi cu Anih cu sabit kung a si thu, leh kannih cu a hngetek kan si thu in sim. Cui sabit hngetek pawl cun rah an rah a si. Hitin a simbet (cang riatnak ah), kannih cu a thluntu kan si vekin Pa khal kan sunloih ih rah tampi kan rah a si. Dungthlun timi tongfang hi ruat tha aw, hihi mi tampi thurelnak a si. Thingkung leh hi lei kawhhran thu hi kan zoh hnik kei uh, a hngetek hnihnak timi kan hmu, thimnak ah- khawpi le khawte pawlah a thuthang tha va sim dingah Khrih in a dungthlun pawl kha a thlahsuak hai. A netnak ah, a hngetek tebik, rah tampi rah mi hngetek kan timi cun dungthlun pawl ih kawhhran kan timi kawhhran fate insang kawhhran kha a khihhmuh. Himi kawhhran malte sung ahhin, a kuai ol mi an um ih cumi lak ihsin rah tampi suah dingah Pathian ih hrilsuah mi tampi an um ih hi leilungih a kawhhran hi an ti thangso ih an ti karhzai vivo a si. Curuangah nunnak petu a kungpi lole sabit hripi a um lo ahcun a hngetek pawl a tum a te in rah an rah suak theilo lawlaw.
Johan15:5
5. Keimah cu sabit hri ka siih nannih cu a hnge nan si. Zokhal ka sungah a um ih kei khal a sungih ka um cih mi cu rah tampi a rah ding; ziangahtile keimah tel locun tuah thei mi nan nei lo.
[17.18]
Kan thlarau nunnak kan neih mi hi pakhat le pakhat (pumpak in) kan zomawknak leh pawlkom dang tivek thawn zomawknak kan neih tengteng a tul lole kan thi ding a si. Kan nun in uktu ding ahcun Khrih lawng kan neih a tul a sinan bulpak ciar hin thlarau nunnak kan nei cio.
[17.19]
Na kutzung kha merhngawi aw lo ti bangsehla cui na kutzung ti ngawi ding ahcun zo in thu a nei timi in sim hnik, hitin na sang lo ding maw, Ka lu fam teh ti in. Cutivek thotho in na awm le na kut hrang khalah a si thotho. Ka thu tei na kut kha cangvai dingih ka lo fial a sile ka ti sual ding. Ziangtluk in na kut zung kha na theitawk ih harsa emem in lo bil ter khal sehla a netnak ah ziangtin a si ding? Na kutzung cu a rong a rung danglam dingih cutheh hnu ah a rei nawn thlang tikah a car leh mai ding. Thuneihnak hmuahhmuah hi lu ihsin a ra ti na thei ko ti aw, a sinan nunnak timi cu kilhim in a um ih a sawhhnget tu cu a zomaw mi member pawl an si. Kawhhran dik kan timi cu cuvek ciah a si.
[17.20]
Pawl Kawhhran kan timi hi ziangha a si? Cui Kawhhran kan timi cu: mi pahnih maw cu ai ih tam an finkhawmawknak le leitlun hruaitu pawl ih thuruah awknak lole mi pakhat ih kaihhruainak lole mibur khawm khat ihsin an suah mi thuneihnak thawi kaihhruai awknak khi a si. Cui mibur pakhat cun hmin khat nei in tuah tlang lole a thleng aw dah lomi zumnak pawk tlangtu pawl khi an si. Cui tonkhawmnak le hmuhawk khawmnak an tuah tikah lungrualnak, pum ap awknak pawl kha an nei dingih a thleng aw dah lomi leh a diktawk ti ih an rak tuah mi an thurin pawl kha lungkim tak ih pom tlang tu pawl an si.
[17.21]
Thlengsal Na kaih mi thurin kha na thleng pang a silen na thinlung ruahnak hrampi ihsin na thlek tinak a si. Mi pa ziatin hi tivek ih rak tuahtu a um dah? Kawhhran thurin thleng hi na tum dah maw? Hitivek hi thil cang theilo mi a si. Kei tla cun ka thei dah lo. Hivek thilcang mi khal ka hmu dah hrih lo. Zirhawknak Kawhhran, a hrampi lole mahte todelh awknak ti pawl hi thleng aw theilo mi pawl an si. Thutak an tlansan theilo lawng silo in a hlan ih kan sim zo vekin rosiah thurin timi a zirhtu pawl ihsin rung um vivo lai ding a si ih cumi ih santhar bible tlawng suak pawlin an run kengkawh vivo dingih tlawng khalah an run zirh vivo lai ding a si. Pathian hin kawhhran kha a hnatuan ding mi midang in midang va zirh sawng ding timi a hna kha a tlansan tikah lole dungthluntu hnatuannak ti pawl hi ziangtik ah ha a cem ter ding? Thuthlung Thar kawhhran ah teh khuitawk bible tlawng le zirhnak tlawngah ha hivek hna a rak peknak kan hmuh?
II Timote 2:2
2. Theitu tampi hmai ah ka phuan mi ka thu zirhnak kha midang khal an zirh thei ve ding na timi rinsan tlak minung pawl kut sungah va ap aw.
Efesa 4:11-12
11. Minung hnenah laksawng a petu, khal cu amah a si; a laksawng pek mi cu a hrek cu palai an si, a hrek cu profet an si, a hrek cu pastor an si, a hrek cu thuthang tha puangtu, a hrek cu zirhtu an si. 12. Hibangtuk in laksawng a peknak cu Pathian minung pawlin khrihfa hnatuan an tuan thei ih Khrih ih pum an thansoh ter nak dingah a si.
[17.22]
Pathian in hriak a thih zo mi a Saza pawl kha ziangtik ah ha thuphan sim hai dingah remtinak a pek? Hruaitu mi pakhat kha ziang tikah ha a sinak le fimnak ruangih thlakthlengnak a rak ton? I Korin 1:17-31 le 2:10-11 thu hi kan theihpalh pang maw si? Hitivek hi riahsiatnak thu simfiangnak a si a sinan tulai ih kawhhran tlawng zirhawknak tlawng Jesuh tellonak, lole a hrilsuah mi dungthluntu pawl lawng pastor dingih mitling leh tlak ih ngainak a si lole rundam co ngah hrih lo pawl hnenih thuthang tha simnak a si lole ramthim hnatuannak tivek pawl hi a si.
I Korin 1:17-26
17. Khrih in midang tihnim dingah i thlah lo, thuthang tha sim dingah i thlah ih cuti ka sim tikah milai fimnak tongkam hmangin a silo; ziangahtile leilung fimnak tongkam hmang tahrat in ka sim ahcun Khrih thinglamtah parih a thihnak hi hmual a nei lo pang ding. 18. Thinglamtah parih Khrih thihnak thu hi a hloral cuahco mi pawl hrang ahcun thu lolak men a si; sikhalsehla rundam lai rero mi kannih hrang ahcun Pathian ih cahnak hmual a si. 19. Cathianghlim in, mifim pawl ih fimnak cu ka siatsuah dingih, mithiam pawl ih thiamnak cu ka hnong ding, a ti.
20. Curuangah mifim pawl khui ah so an um? Mithiam pawl khui ah so an um? Leilung thurel thiam pawl khuilam ah so an si? Leilungtlun ih fimnak hi at hna a si, ti kha Pathian in a langter zo. 21. Minung in anmai fimnak in Pathian an theih theilonak dingah amah Pathian in a fimnak in a rak tuah cia zo a si. Sikhalsehla kan phuan mi at thu an timi thuthang tha hi hmangin a zumtu pawl run dingah Pathian in a tuah mi a si.
22. Judah mi pawl in a dik le dik lo theih theinak dingah khawruahhar mangbangza hminsinnak hmuh an duh; Greek mi pawl cun fimnak an hawl. 23. A sinan kannih cun thinglamtah ah khen ih an tar mi Khrih kan phuangih cui thu cu Judah mi pawl hrangah rilhbahnak a siih Greek mi pawl hrang ahcun at hna an timi a si. 24. Sikhalsehla Pathian ih a kawhcia mi pawl hrang ahcun Judah mi siseh, Zentel mi siseh cuti kan phuan mi cu Khrih a siih Khrih cu Pathian cahnak le Pathian fimnak a si. 25. Ziangahtile Pathian ih atnak a bang mi cu minung ih fimnak hnakin a fim sawn; cule Pathian ih tontaihnak a bang mi cu minung ih cahnak hnakin a cak sawn. 26. Ka u le ka nau tla Pathian in a lo kawh laiah khan ziangbangtuk kan si, ti kha cing ringring uh. Milai mit ih kan zoh ahcun mifim leh thil tithei le hmaizah tlak cu mi malte ngaingai nan si. I Korin 2:12-14
12. Kan ngah mi thlarau cu leilung ih thlarau a silo; Pathian ih thlah mi Thlarau a si sawn. Pathian ih in pek mi laksawng hmuahhmuah kha kan theih theinak dingah Pathian Thlarau cu kan ngah zo a si.
13. Curuangah Thlarau a nei mi pawl hnenih thlarau lam thudik kan simfiang tikah milai fimnak tong hmangin kan sim lo. Thlarau ih zirh mi tong kan hmang a si. 14. Thlarau minung a silo pawl cun Pathian Thlarau hnen ihsin a ra mi laksawng cu an co thei lo. A theih khal an thei theilo; ziangahtile cui laksawng pawl ih a sunlawi zia cu thlarau thinlung lawngih theih thei mi a si ruangah annih hrang ahcun thu lolak men a si.
[17.23]
Tongkhat Hmannak I Korin 1:10
10. Ka u le ka nau tla, nan lakah thentheknak a um lonak dingah nan thinlung rual aw te in um hram uh ti ah kan Bawipa Jesuh hmin in ka lo dil a si. Rualrem zetin thinlung khat le tumtahnak bangrep in um uh.
[17.24]
Rualremnak hi kan tumtah mi cu a si, a sinan cumi pitlin ding ahcun kan zatei tuan khawm a tul a si. Hi hi ngah thei mi thil a si, a sinan midang va bom ding thilthu ah zalen takin kan um dingih a thar siseh, a ropi deuh thu khalah siseh fiangten a thu kan theihter hai ding a si. Hmunkhat ih umtlangnak hi kanmai duhhrilnak a siih lungrual ten kan tuan tlang ding a si; himi hi milai fimnak ih zomawknak ih ti pitlin theih mei thil cu a silo, a sinan thutak zirhtu saza ihsin a theih theih, in kaihruai tu le kan hnangamnak Thlarau Thianghlim in kan thei thei a si. Kawhhran dik kan timi cu mi malte finkhawm aw (zom aw) khi a si. Cui Khrih ih taksa a finkhawm aw ih duhdawtnak hri kai tlangin rualrem ten a feh tlangtu pawl an si. An umtlang lo hmanah lole rualrem ten a netnak tiang an tuan khawm lole hmin an sak tlang hai ih thurin puan mi kha an kai tlang cio ih a sinan Bawi pakhat hnuai ah an um, Thlarau ah daihnak pakhat kha kaitlang in an zuam tlang cio hai a si (Efe. 4:3).
[17.25]
Kan taksa zungzam hmuahhmuah hin finkhawmnak an nei ih anmah cu thil fate takte an si, mahte a ding mi insang kawhhran cu Jesuh Khrih a si. Anih cu bulpak ciarih ziaza leh thansohnak lenglam ih lu le cithlahtu a si.
[17.26]
Cithlah Awknak Hi Ziangtin A Simfiang? Webster Dictionary cun hitin a simfiang:
1. Cithlannak cu a bulhram a si lole a dang tek pawl kawmtu lo theihlo ih tulbik, a si lole a finkhawm aw mi; a laimu a ti.
2. (Thingkung zirnak lamin) A zomkhawm aw mi thil a siih a sungah nunnak tampi a um, cucu a hrinhram ci in a ra ih sunglam thilri thlengaw ding pawl a dawnkham sak ih cutin thanlennak le punzainak a suahter. 3. (Si vai zirnak lamin) A hrampi, sungmuruh (atom) pakhat kha a si ti theihfiang hnu ih a sung muril tiang laih langnak, proton le neutron timi pawl komawknak leh muruh hmuahhmuah deuhthaw umkhawmnak khi a si.
[17.27]
Sungmuruh kan timi hi ziangha a si? Thil hmuahhmuah ih a fate bik mi a si. Thahri zungzam kan timi hi teh ziangha a si? Cucu taksa sungih um mi a fate bik mi a sinan amahte cangvai rero mi a si. Cuvek in insang kawhhran kan timi hi teh ziangha a si? Cui insang kawhhran kan timi cu kawhhran pi sungih a fate bik mahte ding ih a cangvai mi a si? Kawhhran kan timi hi Khrih ih taksa a si kan ti tikah zianghman mangbang ding a um lo. Amah ten a dinkhawm aw rero mi a si.
[17.28]
Insang Kawhhran Matthai 18:20 nak kan zoh tikah a zomkhawm aw mi kawhhran hi ziangtluk ih tum mi ha si dingin na ruah? Mi pahnih lole pathum simaw tlunih tam hi a tul cuang lo.
Matthai 18:20
20. Ziangahtile ka hmin in mi pahnih siseh, pathum siseh, nan pumkhawm tikah nan hnenah ka um ve a si, ti ah a ti.
[17.29]
Insang kawhhran kan timi hi a tum ah si maw a tet ah simaw a kekkuai ol zet, a sinan midang hrangih rinum takih an hna kan tuansak ahcun Pathian in in tipung vivo ding a si.
I Korin 3:7
7. Thlaici a tuhtu le tidai a toihtu cu an thupi lo. A thupi bik cu Pathian a si, ziangahtile a thanter tu cu Amah a si.
Dungthluntu 2:47
47. Pathian an thangthat ih mi hmuahhmuah hnen in mithmai tha an ngah. Cule nitin ten Bawipa in an pawl ah rundam mi dang a bet vivo.
[17.30]
Tulai ah mi tampi ih ruahnak ah kannih cu Thuthlung Thar kawhhran ih a kirsal mi insang kawhhran kha a thupi bikih ruattu dingih a hrilsuaktu kan si an ti aw theu. Baptist kawhhran pawl cun a pumpi ih hnimphumnak an uar thu kha lole rundamnak hngetkhoh lole Methodist pawl cun tidan kel ringring an uar thu kha na thei a silo maw. Cuitlunah AG pawl cun thlarau thianghlim laksawng thu, lole Seven Day pawl cun Sabbath ni an ulhnak thu an uarnak pawl leh kannih khal inn kan tlun ve tikah tonkhawmnak tuah ih thil thar ngaihtuah suak kan tum ih, thil thar tuahnak ah kan mahte a phunphun in kan ngaithiam aw cop theu. Himi hi thudik cu a silo lawlaw ti aw! Inn pakhat ih tonkhawmnak hi Thuthlung Thar kawhhran tidan tak cu a si. Hiti tuahnak hin insang kha kawhhran sungah mi a hruailut ziangahtile hitivek ih tuahdan hi Pathian duhdan zawng le a remti mi a si. Pathian cun kawhhran hi si dingin a duh a si. Hitivek mi hi si Pathian ih hawl mi leh hrilsuah mi cu, curuangah Anih kha ka Pa kan tiih bulpak pakhat cio hi tapa, farnu ti ah kan ko aw. Kannih cu Pathian ih insungsang a pakhatnak leh a hmaisabik kan si (Rom 8:14-17). Curuangah Pathian insung thilri neitu ih kan ruah awk a si ahcun taih-inn tivek hi kan ruah thupi ding mi a silo, David ih inn vek kha kan pom rem ding mi thil a si sawn. Kannih cu Pathian fale pawl kan si. Insang Bible zirnak ah feh uh si timi tongkam maw kan dan ih tuah mi vekin Colhni zing ah meetingnak nei ta uhsi timi tongkam hi ha na theih tam deuh? Ziangruangah a si pei? Ziangruangah tile hihi pawlnelawnak dingah leh insang ih biakkhawmnak tuahnak hi a hlan ihsin Pathian lungthlitum a si. Rom 16:5; I Kor. 16:19; Kol. 4:15; File.2; Dung. 5:42, 20:20 le Dung. 7:48-49.
[17.31]
Insang Kawhhran In A Tuah Lo Mi Inn ah mahtei tonkhawmnak tuah tikah kan tuah lo mi thil tampi relnak can kan nei. Kan theih cio hai bangin unau tampi cun kawhhran dinnak ah an tel celcel hai curuangah pawl dang va relsiatnak ah kan can kan hmang tum lo. Kan theih leh mi cu cui dinawknak sung ahcun mi tampi cun Khrih kan duhdawtnak thu kan ruah aw ciamco ih kan thupom mi lawngah rundamnak a um ti khop in midang pawl kan bum duak theu. A hlawknak kan ruah tikah hiti ih kan zirhnak ruangah mi tampi cu an ra lut ih rundamnak khal an ra ngah ko a sinan mi hrekkhat cu an lut duh ve lo. A hrek cun an tawk mei ko kan zuam a tul dang lo e ti ah an ti thei cuang lo. Cu aiin an rah in kan thlir sawn ding a si. Rah an rah maw rah lo timi khan (Matt. 7:20) leh an rah hin a si kan theifiang thei ding (Matt. 12:33). Zumtu diktak cun A dan thu pawl kha zirhsualnak dongtu unau dang pawlin an thlun lo hmanah anih a thlun thotho (I Jn. 2:3-4) ih cucu ziang thawn a bangrep aw tile insang kawhhran kan timi thawn an bang aw aw. Pathian ih sal pawl hi kan tawlrel ding a silo ih lole an thuzirhnak hi kan hnialkalh ding hi a si hrimhrim lo. Curuangah Paul ih kawhhran si kherkher khal a tul cuang lo, cuvek in Apollos, Cephas, Jesuh Khrih ih kawhhran, Luther, Wesley, Williams, Simmons, Graham, Copelang, Roberts, Viola, Rults, Edwards lole James ti pawlih kawhhran hi an tul kherkher hai lo. Hibang pawl hmin hman ciamco hi thilsual a si sawn lole hitivek ih a tawlrel tu pawl le hman tumtu pawl cu hrial ih tlanhloh san ding mi an si (Rom 16:17).
[17.32]
Meetingnak hi insang kawhhran pawl bangin ol ai tei tuah ding a si, kan thilri pawl hi a tulsam mi pawl hman in silo a tul lonak ah hman sokphak a olte. Curuangah tonkhawmnak hmun dingah sumpai tampi pi ih lei tla hi a tul ciamco lo. Pulpit, tohkhamsau lole thlalang mawi tivek hi kan lei ding mi an si lemlo. Cun kannih cun kawhhran program tivek suah ciamco tla hi kan ti lo ding mi a si. Organ le Hlasak pawl ih kor tivek pawl tla hi kan lei sak ding an si lo. Cun kan pastor pawl leh a bawmtu pawl, mino pastor pawl, thuthang tha simtu pawl, profet pawl, lole dungthluntu pawl kha thlahlawh pek an tul hai lo. Hla hruaitu pawl, organ tumtu pawl, hlasaktu pawl lole a dang thlungdar tum thiam pawl hi thlahlawh pek an tul hai lo. Kan sungtuan pawl, kan sangka kiltu pawl lole kan hmunphiat tu pawl khal thlahlawh pek an tul hai lo. Kan hruaitu pawl hrangah inn siseh motor leisak an tul lo. Mina vehnak ih a cem ral mi gas man le a fehnak man pawl khal hi kan pek sak a tul lo. Culawng silo in inn remnak le kilvennak khalah kan paisa hi kan hmang ding a silo. Electric man, gas man, thilri thawn man, phone man, ca rialnak man lole kan then hra then khat ihsin kawhhran zung hnatuan pawl bomnak ti pawl hi kan tuah lo ding mi hlir an si. Cuitlunah kan pastor pai pension lak ding khal kan ruahsak lo ding, a harhdamnak kil awk nak, a ha tuahnak lole a can awl ih hman ding mi paisa ti pawl hi kan bawm ding mi a silo. Cu aiin kannih cu zumnak in zalen tak ih a nungtu ding kan siih Pathian kha kan hrampi ah hmangin hman in duhnak ah kan hmang aw sawn ding a si (Matt. 25:31-46). Kannih cu mi harsa pawl, mitcaw, hnaset, kezeng, nu le pa nei lo lole nuhmei pawl kha zalen takih bawm theitu kan si.
[17.33]
Ralring Aw Hi insang kawhhran kan timi hi hlimsang hruaitu pawl lole amai Bible pom dan ih rak dinsuah mi a silo. Himi hi dinsuah a rak si tikah thentheknak in a run thlun hngalh ih Pathian ih tu ruun rual pawl an vakdarh thluh hai ih curuangah A kawhhran pawl vahdarh ih thenawknak hi Pathian duhzawng cu a silo ( I Kor. 12).
I Korin 1:10. 10. Ka u le ka nau tla, nan lakih thentheknak a um lonak dingah nan thinlung rual aw te in um hram uh ti ah kan Bawipa Jesuh Khrih hmin in ka lo dil a si. Rualrem zetin, thinlung khat le tumtahnak bangrep in um uh.
Efesa 4:1-3
1. Bawipai hnatuan ruangah thawng a tla mi keimah in: Pathian kawh mi nanmah bangtuk in nan nunnak ah Pathian kawh mi nan sinak kha langter uh, ti ah ka lo forh. 2. Thinlung nemnak nei uh; tangdor leh thinsau in um uh. Duhdawtnak nan neih mi kha pakhat le pakhat nan zawi awknak in langter uh. 3. Thlarau in a lo pek mi pumkhat si khawmnak kha tunghmun dingah hmunkhat ih a lo tenkhawmtu daihnak in hmun ter uh.
Filipi 2:1-4
1. Khrih thawn nan pehzomawknak ruangah nan nunnak a hnget cuang ih a duhdawtnak in nan hna a lo ngam ter. Thlarau thawn pawlkomnak nan nei ih pakhat le pakhat parah zangfah lainatnak nan nei a silo maw? 2. Cuti a sile ka lo forh duh: nan ruahnak hmunkhat seh, duhdawtnak khalah pakhat le pakhat duhdaw aw ton uh, nan thinlung le nan tum mi bangrep aw sehla cuti cun lungawinak ka neih mi hi nan kimter ding a si.
3. Mi nahsuahnak nei in, mai zawn lawng a ruatih, mai hminthatnak lawnglawng hawl in zianghman ruat hlah uh. Pakhat le pakhat tangdor tonnak thinlung nei uhla midang hnakin ka tha deuh ti ah zianghman ruat aw hlah uh. 4. Nanmah duhnak lawng silo in midang in an hrangah a thupibik ih an ruah mi kha a hmuhzia thiam ve uh.
[17.34]
Lom Tlak Mi Sinak Mi zokhal Jesuh ih din mi kawhhran a zum ih a kirsal a si ahcun Amah lawng kha a lamzin hruaikaitu a si. Member pakhat cio kha A thu ah lom tlak ah a tuah hai a si. Mi pakhat hin Khrih ih lom tlak ka si ti aw si lom tlak a si lo ahcun anih kha Khrih hnongtu a si. Sal dik cu Khrih in a ai awhtu dingih thuneihnak thawi a thlahsuah mi a siih cui thuneihnak lawng in, amai thuneihnak a tel lo (Matt. 21:33-40). Nupi pawl kha an pasal pawl ih thu kha Khrih in a Pai thu a thlun bangih thlun dingin zirh an si. Cuvek in nauhak pawl khal in Bawipa ah an nu le pai thu ngai ding an si ve. Sal pawl hi midang thu ngai ding an silo a sinan Pathian ihsin milai thu ngaitu ding an si sawn (I Kor. 7:23).
II. Korin 4:5
5. Kan sim mi hi kanmai thuhla a silo; Jesuh Khrih cu Bawipa a siih Jesuh ih hrangah kannih hi nan hnenah um kan si, ti sawn hi kan sim mi a si.
Efesa 6:5-6
5. Sal pawl, nan bawi le pawl cu tih le thia in upat uh. An hna nan tuan tikah Khrih ih hnatuan a si ti in thinlung tak ten tuan uh. 6. Cuti nan tuan tikah an mithmuh lawngah mithmai tha ngah duh ah tuan hlah uh. Khrih ih sal bangin Pathian duh mi cu nan thinlung zaten tuan uh.
I Piter 2:13-16
13. Kan Bawipai ruangah nan tlun ih thuneitu bawi pawl cu an thu ngai uh; a sangbik ih thuneitu siangpahrang cu a thu ngai uh. 14. Cule, peng leh ram uktu bawi upa pawl khal mi tha lo pawl hremtu dingah le thatnak a tuahtu lawmtu dingih hnatuan pek mi an si ruangah an thu ngai uh.
15. Ziangahtile zianghman thei lo ih a tong tu mi aa pawl ih tongnak hi thil tha nan tuah mi in tuk dai seh ti ah Pathian in a lo duhsak mi a si. 16. A luat mi bangtuk in nung uh; sikhalsehla nan luatnak cu that lo nak huptu ah tuah hlah uh; cu hnakin Pathian ih sal bangin nung sawn uh.
[17.35]
Judas 9 9. Vancungmi lak ih a upabik Michael hmanin cubangtuk in a tuah lo. Moses ruak zo in a co ding ti ah Setan thawn thu an el awk tikah nautatnak tongkam thawn Setan cu a camriam ngam lo; Bawipa in a lo kawk ti ah a ti men!
Curuangah kannih khal Pathian ih fale kan si cingin kanmah te in a thuptei lom tlak lo kan si ahcun ziangtin sawm mi ih lom tlak kan si thei ding? Kanmah te Pathian lom tlak kan sinak hin mi ih lom kan hlawh a si. Mai tufa pawl kha thlarau lam in atthlak tak ih a vaw rero tu cun Pathian thu mumal lo zet in a mi pawl a kaihruai hai ih cubang pawl cu cinghnia rawl ding an si ko. Zokhal amai tuu pawl kha Pathian thu in a kaihruai ih a zirhtu cu hruaitu tha a siih cuvek mi cun midang pawl khal kha a tul can ah mi hna an ngamter ih thazang mi an pe thei a si. Vei hnih khat cu minung hi mi hmai ah mai sualnak thuh hi thil olte a si, a sinan Pathian hmai ahcun zianghman ah thuh theih a silo. Mi pakhat hi Pathian ih lom tlak a silo ahcun milai ih lom tlak khal a si ve lo. Kawhhran kaihhruai awknak ih kan hmuh thei leh mi cu rinnak thu ah danglam deuh ih pomhnget dingih zirh awknak a si, cucu zumtu zate hin Pathian kha direct in biak ding a siih a sangbik bishop ah a silo timi hi a si. Kan cin ringring ding mi cu ziangvek ih kan theih hngilh pittawp hmanah kawhhran timi cu pakhat a si! Thuthlung Thar insang kawhhran ah hin uangthuang aw tak ih kaihhruai awknak hi ti fatet vivo a si. Hi hi ziangruangah a si pei? Ziangtin ha mi uangaw pa mi tumsuk vivo cun Bible thuhla a zir mi pawl cu a kaihhruai thei ding? Curuangah nang khal minung zakhat hruaitu si bang awla lole a thawng ih uktu si bang awla Jimmy bangih tluk sutsi a olte hokhaw ( Jimmy Jones, Jimmy Baker lole Jimmy Swaggert). Tu ah hibang a rak thluntu pawl hman in a hlan ahcun America ih upat tlak zet rak si hman hai sehla an thlun duh nawn lo, curuangah hitivek kawhhran leitlun nomnak thawi a kaihruai tu pawl hi an dungtolh thluh sal a si.
[17.36]
Lalram Le Uknak Pawl Thlarau Lalram pawl cu Khrih ih hmin in mai tanghma lawnglawng sial tu pawl kha zirhtu dingah ti thanlen an si vivo. Annih le kannih timi thluak lam ih mit an rak cawtter mi an dungthlun pawl kha an ti cak in an cawm thanglian vivo a si. Hi thil hi ziang thawn a bang tile lehnak hlunpi mi malte par ih thuneihnak, ngah duhnak le sinak langternak a si. Mi zokhal Lalram, Khrih ih ram din a duhtu cun leitlun mi pawl ih pomhngetnak a tul lo, ih an duhzawng hawl sak khal a tul cuang lo. An thaw ti mi zawng cu Pathian ih duhzawng tuah hi a si. Annih cun a hlo mi an hawl ih hliamtuar tu leh lungmit mi pawl kha an tuamhlawm ih an ruahsannak cu an hna va tuansak ding a siih an hmul lawng va meh sak nak lawng mai kha a silo.
[17.37]
Insang Kawhhran Pawl Kan sim cia zo vek kha insang kawhhran ah teh an um maw? Kan thu sannak ahcun thin nuam lo zet cingin an um ko ti hi a si. Insang kawhhran hi ziangha a si tiih na suh a sile tulai ih kan kawhhran pawl hi zumtu hmaisa pawl ih rak din mi pawl vek kha a si ko (I Kor. 1:11-13). Hi insang kawhhran kan timi ahhin mi pahnih maw pathum simaw lungrual tei milai ih kaihhruainak a si. Paul ih rongbawlnak kha Zentel mi pawl lak ih kawhhran va din vivo kha a si. A tul canih ruahnak tha thawn siseh sumpai thawn siseh bawm cio hai dingin forhfialnak a nei. Mibur khat cio kha uktu dingah kawhhran upa pawl hnatuan a pe haiih an hnatuan ding cu an minung pawl zohzun ding le bulpak cio in mah leh hna cio an tuan theinak dingih kilkhawi tu dingah a si. Inn khat hnu inn khat ah tong aw in Aquilla le Pricilla leh midang inn Nymphas tivek pawlah leh a voi thumnak ah Archippus ih inn ah, tiin an tongkhawm aw cio, cutikah an hruaitu pawl hin an tidan an thleng hnuaihni ding ti cu a zum umlo nasa lole ziangvek hna an kaih khal len hrehnak an nei lo a sinan cui an tonkhawm awknak cu an inn pawl ah khan a si. Zumtu pawl hi ziangruangah an rak then aw timi zumnak dang pakhat cu hmun dangdang ih hruaitu pawl kha an tidan tla an phundang cio ruangah tla a si thei. Kei cu hi insang kawhhran ahhin hruaitu rak si sehla cu bishop ih kaihhruainak vekin ka kaihruai ko ding, thimnak ah-kawhhran upa pakhat ih kaihhruainak, a dang kawhhran upa pawl bangin ka cangvai ve ko ding lole kawhhran upa pawl dang vekin lole midang saza pawl vekin, Pathian ih tu ruun rual pawl kaihhruainak ah ka cangvai ve ko ding. Mah tei bishop a nei thei zo mi khaw hnih maw khaw thum hrawng simaw ka uk a si ahcun keicu Bishop lal bik ah ka cang dingih a sinan hivek kaihhruainak hi Thuthlung Thar kawhhran kaihhruainak ahcun kan hmu thei lo. Khua zahnih vel hrawng uktu si bang sehla hruaitu lubik ka hung si dingih kawhhran dintu ka si mei ding. Ka ti ding mi cu a hlan vek khan tualsung kawhhran sawmnga uktu ah mi pahnih, mi pahra lole mi pahnih lawng in simaw uktu ah ka tuah hai ding a si. Thutak thawi kan hun khit awk ngah hnu ahcun kan thinlung kan thleng ih pawl thlarau rori thil cang theilo mi ah kan thinlung kan bun. Curuangah Jesuh khal in leitlun a rak len lai ah khan a siatsuah duh bik mi cu sakhuanak hi a si ruangah a thah tiang an rak thahnak a si. Hitivek in tulai san khalah zirhternak tlawng hrekkhat ahcun an hruaitu pawl in an hman lai nak thu kan hmu thei a si.
[17.38]
Kawhhran pawl thlarau hi kum zabi pakhatnak ihsi khan rak karhzai zo hmansehla (I Kor. 1:11-13) ziangtin na ruat tulai ahcun an karhzai thei nawn lo ding maw? Himi thenawknak ci hi Pathian ram kauhnak hnakin mai lalram din ih ticak duh pawl in an ti zai vivo mi a si. Himi ci hi a si sualnak lawng a rahtu thingkung pawl Pathian hnen ihsin then aw pawl cu. Himi thlaici karhzai mi cu Kain ih cithlah u le nau in rak hua aw tertu a si. Tulai san khalah hi cithlah pawl hi cu Pathian ih fangthar pawl ti darhtu an si zia hi nang khalin na thei ko ding, fangngai lak ih hrampi pawl Pathian thutak lak ih thanglian an si ve ih cui hrampi pawl cu thliardan an si leh dingih fang attu vangcungmi pawl in an siatsuah hai dingih a netnak ahcun annih pawl kha siatsuah in an um thluh sal ding a si. Kan lak ah an thanglian ringring ih a hleice in hitivek ih leitlun ih Pathian thutak thawi cangvaihnak lak ah dunglam ah kir lehsal dingin an cangvai ciamco hai a si. Hibang pawl thuhla hi Jesuh in Matthai 7:22-23 ah leh Luka 6:46 sungah a rak sim cia.
Matthai 7:22-23
22. Thuthen ni a thlen tikah mi tampi in Bawipa, Bawipa, na hmin in Pathian thu kan sim, na hmin in khawsia tampi kan dawisuak ih mangbangza tampi kan tuah, ti ah ka hnenah an ti ding. 23. A sinan kei cun, Ka lo thei dah lo! Ka hnen ihsin tlan uh, nannih mi thalo pawl,! ti ah ka ti hai ding.
Matthai 25:41
41. Cule keh lam ih a um mi pawl hnen ahcun nannih Pathian ih siatsuah mi pawl, kan hnen in tlan hlo uh. Setan leh a dungthluntu pawl hrang ih ngaihtuah mi a mit dah lo mi meisa sungah va feh uh.
Luka 6:46
46.Jesuh in ziangahso Bawipa, Bawipa, ti ah in ti ih ka lo sim mi cu nan tuah fawn lo.
[17.39]
Kanmah Vek Bangnak 1 Johan 2:18-19 sungah dungthluntu Johan in thlaici thalo thu a rak ngan suak. Kanmah vek hin kum zabi pakhatnak ah khan Pathian aw a theitu a turual pawl lakah an mahten mi rak kaihruai hai dingin an rak cangvai ciamco hai zo. Inn ih tonkhawmnak kan timi hi kawhhran hruang sungih suahnak tinak a silo. Tulai san ah mi tampi in harsa ngaingai in hitivek in an biakinn an sak ciamco: Tualsung kawhhran a thok tu cu Witness Lee lole midang insang kawhhran ihsi ra to suak, hitivek si dingih thinlung rak pu tu pa ih zirhternak in amah kha a lubik ih ret awtu pa kha a si. Hitivek tuu vun sin cinghnia pawl lak hin nang khal ralring ve aw. Insang kawhhran a ti aw tu pawl hi kan lakah an tel rero thlang ti hi thei aw. Hlan ih an tuahsualnak pawl kan laihlang lo a sile thihnak ah kan lut lehsal ding a si. Kannih khal kawhhran pawl thlaraunak nathrik in in rak kai ve dah, a sinan hitivek dungtolhnak ah hi cun kirsal nawn hlah uhsi.
[17.40]
Hi Cu Tikcu Hleice A Si Hi tikcu can tha te sung ahhin insang kawhhran kan timi cu naute lem te vek khi a bang. Hi hmun ah mangbangthlak tak in kan to hai a si. Kannih cu zohman rinsan mi dang nei lo zalen tak in kan pumkhawm aw a si. Ziang thawn kan bang aw hai tile kawhhran hmaisa pawl vek kan si ko, pakhat hnu pakhat bawm aw dingah ka tiar cia ringring. Curuangah kannih in hruaitu ding cu mi pakhat lawng kan hril ih kan tlun ih thunei tu bik khal amah Jesuh lawng a si. Jesuh Khrih lawng hi kawhhran ih lu umsun a si. Hi tikcu can relsiat awknak sung ahhin mi hleice hrekkhat pawl kaihruaitu dingah Jesuh in kannih pawl hi in hmang a si. Hi thu hi fiangfai tei kan dongsong lo pang a si ahcun cawhkuannak thilrit pi hi kan parah ah in thum leh ding. Curuangah kannih cun mibur tin ih an kaihhruai awknak cu kan lungkim in kan nemhnget sak ko ding nan cui an kaihhruai awknak leh an zirhter awknak ah burkhat ai ih a tam pang ahcun kan pompi thei mei lo ding. Profet pawl leh dungthluntu pawl hin assembly timi hi an rak hruaikai dah hai lo. Dungthluntu pawl tla kha cun kawhhran thar an rak din hai ih cumi hruaitu dingah mi an ruatsak hai a si. Cuvek thotho in Profet pawl khal in hnangamnak aw an phuangsuak hai ih thuphuan tla an rak puang cio hai, a sinan an mi pawl kaihruai ih kilkhawi tu dingah kawhhran upa na hrilsak thotho a si.
[17.41]
Kawhhran Dintu Pawl Hmuhthiam A Tul Kan pa le pawl hi kan nunnak sersiamtu an si hai lo Pathian lawng hi a si, a sinan a nung mi ci an thlah thei. Dungthluntu pawl, kawhhran rak dintu pawl, Khrihfa sersuaktu cu an silo, hibang pawl hi Amah Pathian lawng a si, dungthluntu pawl lawngin, thimnak ah- missionary pawl cu thlaici Pathian thunung kengtu an si. Cutin kawhhran dintu pawl in cui ci nung cu an kengsuak ih, thangso ih rah tampi rahsuaktu dingah thazang peknak thawn an vorh vivo a si. Hi thlaici hlawm cu hnget takin an tawnhrem khawm hai ih zohman hlosal leh lo dingah leh cuti ih finkhawm mi pawl cu tualsung kawhhran pawl ti ah kan run ti a si.
[17.42]
Hi kawhhran rak dinsuaktu pawl cu hringtu kan pa le pawl bangin mi an zirhter, in humhim ih bulpak tin thlarau lam ih kan thanlen theinak dingah kan tul mi pawl in pe a si. Cui sin teh? Khuitawk ah kan rak um timi kha hinah in sim, dungthlun pawl hnatuantu vek khan, kannih khal a fiangfai mi thuthennak kan nei ve ding a si. Kawhhran thanlennak ih thupi bik mi cu nu le pa bangin thil hi a thabik ruat in thuthennak kan tuah ding a si, thlarau ih kan fa le pawl hi zalen takin kan kaihruai dingih Thlarau in zirternak kan nei hai ding lole kan fa le pawl hrangah leitlun thawi an karlak ah kan ding ngam ding a si. An thansoh theinak dingah tikcu can rei hmansehla Setan ih thlemnak leh khawsia pawl ih awhnak ding thang sung hin luat thei hai dingin kan kaihruai in kan venghim hai lo ding maw? Thlarau in hiti dinhmun ah in ret nacing hin thu neihnak hi a lo theihlo in a lon rorin kan long mai ding maw? Kan thlarau fa le pawl an thansoh theinak dingah hin Khrihfa nu le pa dinhmun la in kan dinhmun tla kan suahsan thei ve maw? Himi hi kan tuah thei thlang lo ding maw, nu le pa dinhmun ih kan thuneihnak hi kan suahsan thei ding maw, cuvek in kan cetcang dan ah hin teh a duh um in thuron teh kan tlak taktak maw? Ziangtikah ha kan thlakthleng awk thei ding? Nu le pa tlamtling zetin ziangtik ah ha mi bawmtu si dingin mi na forhfial thei ding? Kan fa le pawl hi an pitling zet thlang ih anmai ke in tla an ding thei ve ih an cawm aw thei thlang a silo maw?
[17.43]
Kawhhran a rak din thawh hnu cun a hnatuan run thlurhtu ding pawl cu dungthluntu pawl hnu kha cun pastor pawl an silo sawm, lole hi hna hi ti pitling ih nemhnget ih run sunzom tu ding cu anmah hi an si ko lo sawm? Cuti ih pastor pawl tuan dingih a rung tan ringring a sile ziangtin so cui pastor pa cu a sinak dinhmun mi kian tahrat in a thawn san in a dang a din vivo thei ding? Cuti ih a sinak mi kian tahrat ih a dang a va din a sile hmaisa ih a umnak kha zo in a rak kilkhawi in a tuamhlawm nawn ding? Hitivek dinhmun cu hitin na ngaihtuah ve ka lo zum, curuangah a si kawhhran ah hin bishop tivek kawhhran upa tivek kan retnak hi. Hitivek in bishop lole kawhhran upa pawlih kawhhran an rak kilkhawi tikah dungthluntu pawl khan kawhhran thar tete an va dinsuak vivo hai a sinan ziangruangah a si pei a tlaitluan ih kan run hman nawn lo? Hi dungthlun pawl hin ziangruangah a si pei hlawh lang lawng ih hna an rak tuan? Cuti cu va si ko aw sehla, Piter le Johan kha cu dungthluntu an si men lawng silo in kawhhran upa hna khal an tuan cem hai a si. Hi Jesuh ih rualpi thabik pahnih hin kawhhran thar dinnak ding hrangah tawhfung pahnih leh an din mi insang kawhhran sungah an dinhmun hi hremnak nasa tak 70-80 A.D. tiangin an sawmso vivo thu kan hmu thei a si. Hi laifang ah hin lole hi mi hlan deuh ah a si men ding Johan kha Patmos tikulh ah thawng an thlak thu kan hmu ih Piter khal kha an khengbet ve thu kan thei thei a si. Hi tlunlam cu dungthlun pawl ih rak cangvaihnak pawl hi ca ih rak ngankhum nak, thimnak ah- Thlarau Thianghlim ih rongbawl ding a kawh mi pawl thu kan hmu thei nawn lo a si. Dungthluntu hlei hnih pawl kha cu Jesuh amah rori ih kawh mi an si zia leh thuneihnak danglam hleice a pek mi pawl kha anmah pawl lawng an si ti kha theihhngilh aw hlah. Tulai san ih dungthluntu pawl cun midang hnenah hi thilpek hi Thlarau in a thawn zo ti kha kan pomhnget ding mi a si. Annih cun midang pawl hnenah a netabik ah pek an tum dingih assembly tinkim hi Pathian ta a si ti an theih in dungthluntu pawl ih nu le pai dinhmun la in an rak suahsan zo mi kha mahte ke ih ding thei ding leh feh thei ih thawn aw thei cio hai dingin an tim an tuah ve ding a si.
[17.44]
Nu le pai dinhmun cuh ih sinak suahsan hi thil harsa zet a si, a sinan Pathian ih saltha kan si ahcun ka suahsan ngam a tul ih Pathian khalin in siang a si. Kawhhran rak dintu pawl leh an mipi pawlih pehtlaih awknak ahhin an mipi hi a hleice ih ruah ding mi cu an si, nu tling le pa tling hmuahhmuah cun an thlawsuah kha an suahsan ngam vulvo hai ih an dungthlun pawl kha Thlarau Thianghlim kut ah an ap vohvoh ngam hai ih anmah rak thlahsuak tu, zirhtu le thutak ih kaihruai tu hnenah an pe ngam mei a si.
[17.45]
Dungthluntu Ti Hi Sinak Maw Tuannak Tulai ah mi tampi in Jesuh ih dungthluntu pawl leh kawhhran dintu pawl hi an theihpalh hai theu. Hi dungthluntu pawl hna hi tulai kawhhran thar din can ahhin umhrih lai hmansehla khai Bible ih a rak sim mi dungthluntu hleihnihpawl leh tulai ih kawhhran dintu pawl kha cu an bang aw theilo. Jesuh Khrih kha dungthluntu hmaisabik a si ih dungthluntu a thianghlim Pa ih run thlah mi a si. Cui minung hleihnih pawl khal amah Jesuh in hmaiton rori ih a hrilsuah mi pawl an si ih annih pawl khal kha dungthluntu mi thianghlim pawl an si ve. Tulai ih dungthluntu pawl cu Thlarau Thianghlim in hnatuan a pe hai ih Amah thotho in dungthluntu hnatuan thei dingin a zirh hai a sinan mi hlei hnih pawl ih din mi pawl sunzom dingin Thlarau Thianghlim in a zirh hai ih cutin thlarau in Pathian ih inn kha a hram an toh sak ih cumi cu tu ahcun kawhhran ti in kan run ko hai a si.
Dungthluntu 2:42
42. Dungthluntu pawl hnen ihsin an zir ih, ti rawl ei tlangnak le thlacam tlangnak thawn pawlkomnak an nei ringring.
II Thesalon 2:15
15. Cuti a si ruangah u le nau tla, kan thusim mi in siseh, kan lo zirh mi thudik pawl cu kai hnget uhla khoh zetin ding uh.
[17.46]
Hi dungthluntu hleihnih pawl hi cun sinak danglam hleice an rak nei, an thih hlan kulhsung zohman in hi an thilti theinak hi an hloh hai lo. Ziangruangah a si pei? A pakhatnak ah Khrih ih fial mi hna kha famkim tei tuantu dingah an si. A pahnihnak ah anmah lawng te hi mi sualnak ngaidam theinak lole sual raithawinak hnong theitu dingih huham hleice pek mi an si ih mi malte pawl lawng Thuthlung Thar bu sungah ngansuah an si. Tulai kawhhran dintu pawl, thimnak ah- kan missionary pawl hi cu cuvek huham pek an si nawn lo. Jerusalem khawpi thar hram tohnak khalah khan minung hlei hnih hmin lawng tarlang in a um dingih tulai kawhhran dintu pawl ih hmin cu an lakah ngan tel an si lo. Hi minung hlei hnih pawl hi Israel pawl kha dik tak ih thuthen tu ding an si; an rak din mi parah kawhhran khal in a hram a toh vivo dingih hmundang ahcun hram bun theih a silo.
[17.47]
Dungthluntu pawl kha
. hnatuantu dingih thlahsuah mi an si. A leng ihsin lamzin pi le zin dang tiangih tuan dingin tirhsuah mi an si. Hmun hla hmun nai nak ah lenglam ah thlahsuah an si a sinan a lenglam lawnglawng ah um in a sungah um ngah ti an nei dah hai lo! Hi dungthluntu pawl hi kawhhran sungih si thlahsuah mi an si hai lo nan lenglam hlir ah hna an tuan hai. Voikhat lawng kawhhran ah upa an hrilsak hai ih cutin an hna kha theh ko an tuan ih kawhhran ti ah a rung cang. Cutikah dungthluntu pawl hin an rung hnaihnok nawn lo ih a uk khal an rung uk nawn hai lo. Hi dungthlun pawl ihsin dungthluntu hna hi a cem lan vivo ih uktu pawl ih hnatuan kha bishop lole kawhhran upa ti in kawhhran hruaitu kha kawh an rung si. Curuangah kannih khal Bible tongfang hmangin bishop timi tong kan run hmang vivo, hi hi ro sar awk phun ih run hman mi thil a silo. Dungthluntu pawl (kawhhran dintu pawl) hin hi hna hi an rak tuan theh tikah thimnak ah-kaihhruai awknak ih din mi kawhhran karlak ah hin fapa in mo a thit mi vekin pa cun cui insang a vehvaih bangin annih pawl kha a run vehvai ringring. Cutikah cui thlarau insang ahcun hruaitu hleice an um nawn lo ih annih cu thlarau fa an rung si hai. Kawhhran rak dintu pawl leh an dung a rak thluntu pawl kha a thar in a thuam hai ih an pehtlaih awknak kha tam sin le cak sin in a um ter vivo. Annih cu rualpi tha bangin nel aw takin an um hai ih u le nau vekin Pathian hnatuannak hrangah lungrual ten lom tlak in an tuan khawm hai ih an zem aw derhdo hai a si. An zaten lungrual takin Jesuh Khrih ih Lalram hrangah an tuan khawm vialvo hai a si.
[17.48]
Pa le pawl hin anmai insang ciarah thunei kengkeng in pa ka si ko lo maw ti in an fapa parah an thuneihnak hmang ciamco sehla lole a insang ah a fapa ih thuneihnak kha neh lo'n long ciamco sehla an karlak ih pehzom awknak kha ruah tul lo in nasa takin an buai thluh hai ding. Curuangah insang khat kan timi cu nuam tlang lole har tlang ding an si ziangahtile hihi an hril ding mi thil a si. Bulpak cio ih an pehzom awknak khan an hmunkhat aw khawm ding a si. Ziangah a si pei? Ziangruangah tile an zaten zalennak leh rinsan awknak thawn, duhdawtnak an neih ruangah a siih an insang ih pehtlaih awknak kha anmai thu in an duhduh an hril thei hai ruangah a si. Pa lole pu in insang kha a khawikhawm tikah mi bulpak cio sihman hai seh pumkhat ah a canter hai ih cucu lubik sinak ruangah si cuang lo in leh an sidan cio in an zomkhawm awk theinak hi an sinak dinhmun ruangah a si cuang lo.
[17.49]
Pa le fa pawl ih pehtlaih awknak ah thil phun hnih thlengaw mi a um, cucu tlangval lai leh upat hnu ti hi a si. Hi can hmaisa deuh thlengawknak ah hi cun pa ih thu kha cawisan a si theinak dingah an ngai a tul ih a hnen ihsin zir suah tul mi tampi khal zir a tul. A pa hnihnak ah hi cun pa hin rinsannak thu hi a zir suah a tul ve ih a fa le a zirh lomi thu parah a fa le pawl kha zalen takin thangso thei vivo hai dingin a ruahnak khan mahte todelh aw thei hai dingin leh anmahte theihnak leh timlamnak khal nei cio thei hai dingin a thin lungput vek an tawmpi theinak dingin a kaihruai vivo hai ding a si. Hitivek in a kilkhawinak dan kha malte te a thlahphoih vivo sak hai dingih cutin nuam teten hmaisa nun le neta nun kha an rung thleng aw vivo ding a si. An hung pitlin ngah tik ah a fa le khan mah le bulpak cio in thuthennak kha zalen takin an nei thei cio ve dingih an nunnak hrang tiangah leh an mizia sinak vawrtawp tiang an thuthu in an nung thei ve thlang ding a si.
[17.50]
Pathian cu a famkim fimnak in a kawhhran sungah hi thil thlengaw mi phun hnih hi um dingin le cunah tuh lut aw dingin a rak remruat. Curuangah dungthluntu pawl hnenah (kawhhran dintu pawl) khan a ding thok mi a kawhhran ah an no lai can ihsin harsatnak tuar phah in tel cio dingah le kawhhran thansohnak ah tuarnak thawn tuan ding a duh, a sinan anmah te mai ke ciarih feh ih ding thei cio dingah Pathian in bishop leh zirhtu saza pawl le a tlaitluan ih an hnatuan mi thangso ringring dingin bawmtu thatha tla a tlak vivo hai a si.
[17.51]
Dungthluntu (kawhhran dintu) khan kawhhran dingcia pawl an vehvaih tikah an hnenah unau bangin a rung tum. Thuthang Tha simtu lole profet pawl kha assembly ih an tonkhawm awk tikah u le nau vekin an tong aw ih an umkhawm hai a si. Pakhat le pakhat rinhlelh awknak um lo in dungthluntu mi hleihnih pawl kha cu Khrih in kutza a kai aw terih a danglam hleice mi huham a pe hai ih cutivek in kawhhran dintu pawl khal Thlarau Thianghlim in a thlah ve hai ih dungthluntu hna kha tulai san tiangin an run tuan vivo ta a si. Paul hin kawhhran hrekkhat ahcun thuphuan suah kha a ra thleng loh-li lo ding mi a si ahcun hmang hai lo dingin donkhamnak a rak nei a sinan cui thu ngankhumnak le huham a rak hmannak cu kan hmu thei nawn lo. Tulai san khalah dungthluntu dik kan tahnak tahfung cu thuneihnak ih mi hremnak tivek a silo a sinan cui thuneihnak cu midang va zirhsinnak hrangih hnatuannak hrang lawngih pek mi a si.
[17.52]
Kawhhran pitling zo pawl kha cu thuneihnak thawn kawk awk deuh dingin zuam ding a si. Hitivek hi dungthlun pawl khal khan an rak ti thei ve lo a silo a sinan unau bangin rualran tei sualnak ih a rak suntlang zo mi pawl kha do tlang vialvo dingin huham a rak pe hai, a hleice in kawhhran an run dodal can ih hman dingah a si. Cutikah Pathian ih tuno te pawl kilkhawi tu diktak cun cinghnia leh dodal tu, relse tu, phunsaih tu pawl lole sualnak phunphun lak ihsin kilkhawi tu diktak an rak si. Dungthluntu pawl hmuahhmuah hin a tumbik ihsin a tebik tiangin Pathian ih a kawh mi a kawhhran kilhim dingah tuanvo kan nei cio a si.
[17.53]
Hnatuan ding hi thuneihnak thawi a rat tikah hi thuneihnak hmang dingah hin tawpcin nei mi a si theu. Kan thuneihnak hi midang a kawhmi pawl tlun ah lan tahrat in kan hmang ding a silo. Midang pawl kha nehsawhnak thawn an parah thuneihnak va hmang ding khal kan silo. Pathian hin tawpcin nei dingin thuneihnak in pe ih cui thuneihnak cu upatnak thawn kan hmang dingih hrawhhrawlnak tuah lo ding a si.Pathian cu minung mithmai zohtu a silo. Anih cun hruaitu siseh kawhhran upa khal siseh a duhdawt hai ih cuvek in kawhhran upa pawl khal dungthluntu pawl bang khan a duhdawt hai a si. Ziang dinhmun khal sisehla pakhat le pakhat parah thuthang tha theih dingin leh cui tlunah kawhhran dintu pawl tla hi cu hruaitu pawl ai ih rinsan tlak mi si ding ti hi thudik a silo; kan zaten Pathian hna kan tuannak ah lom tlak mi si dingin leh midik si cio dingah in forhfial hai a si. Dungthluntu pawl hi cun thuneihnak hleice rak hmangin an dungthlun hna an rak tuan hai. Bishop pawl le kawhhran upa khal hin kawhhran ah thuneihnak tlamtling an nei ve ih hruaitu pawl khal mah le kaih mi tuanvo hna pawl ah thuneihnak an nei ve cio a si.
[17.54]
Nicolas thurin zirhternak kan timi hi a phunhun ih zirh awknak leh a dangdang tuah ih thuneinak, an pom thei dingin mi an zirhter ih rosar awk phun ih tuah mi hi khensa natnak vek a si tin ka zum ih cu cun tulai san kawhhran uangthuang aw pawl karlak ah a fangsuak vivo thlang. Cutivek kaihhruai awknak dan cun Rom acozah kaihhruai awknak le Roman Catholic kawhhran kaihhruai awknak ah mi a hoi kirter ih midang lak khalah mi a hruailut a si.
[17.55]
Efesa cakuat bungli nak cun dungthlun pawl hi a pakhatnak an si a ti. Ziangruangah a si pei? Ziangvek an dinsuah khalah a hmaisabik ah mi an thlah ih cui inn va sak thei dingah an zirh ta hai. An sak dan ding an fianghnu ah a hrampi an toh; cuvek ciah cun a si kawhhran dintu pawl khal in a pakhatnak ih tuah ding mi cu. A sak dan ding le a hramtohnak ihsin sak pehzom a si vivo ih lungto khal dawl a si vivo, a cem tiang tuan peh vivo ding a si, ih kannih u le nau khal a nung mi Pathian ih Thlarau inn cu hmangin tui kan kawhhran le Pathian Thlarau hi a lungto tinten zawmaw in sahtlang mi si hram hai seh.
Efesa 2:20
20. Nannih khal dungthluntu le profet pawl in a hram an phun suak mi par ih sak mi inn nan si ve zo ih a kil ih lungphum cu amah Khrih Jesuh a si.
I Piter 2:5
5. Nanmah khal ra uhla a nung mi lungto bangtuk in thlarau biakinn saknak hrangih Pathian ih hman mi lungto si uh. Cutawk ah puithiam thianghlim hnatuan nan tuan dingih cohlan tlak mi thlarau raithawinak kha Jesuh Khrih thawngin Pathian hnenah nan pe ding.
I Korin 3:7
7. Thlaici a tuhtu le tidai a tawihtu cu an thupi lo. A thupi bik cu Pathian a si, ziangahtile a thantertu cu Amah a si.
[17.56]
Hruaitu kan si vekin kan cin ringring ding mi cu kan dingfelnak hi Pathian hmai ahcun fihnungza a si ti hi a si (Isa. 64:6).